Lykilkennitölur og arðsemi í sjávarútvegi

Verkefni þetta er lokaverkefni til B.Sc. gráðu í viðskiptafræði við Háskólann á Akureyri. Markmið verkefnisins er að fá innsýn inn í fjármálaheim sjávarútvegsins. Lögð er áhersla á að skoða arðsemi og afkomu sjávarútvegsins ásamt skuldum, greiðsluhæfi og fjárhagslegum styrk. Til að það sé hægt voru...

Full description

Bibliographic Details
Main Author: Katrín Björk Þórhallsdóttir 1989-
Other Authors: Háskólinn á Akureyri
Format: Thesis
Language:Icelandic
Published: 2014
Subjects:
Online Access:http://hdl.handle.net/1946/19162
Description
Summary:Verkefni þetta er lokaverkefni til B.Sc. gráðu í viðskiptafræði við Háskólann á Akureyri. Markmið verkefnisins er að fá innsýn inn í fjármálaheim sjávarútvegsins. Lögð er áhersla á að skoða arðsemi og afkomu sjávarútvegsins ásamt skuldum, greiðsluhæfi og fjárhagslegum styrk. Til að það sé hægt voru sex sjávarútvegsfélög könnuð. Þrjú þeirra stunda veiðar og vinnslu á botnfisk og hin þrjú veiðar og vinnslu á bæði botn- og uppsjávarfiski. Félögin sex sem sjónum er beint að eru Eskja, HB Grandi, HG-Gunnvör, Nesfiskur, Vinnslustöðin og Þorbjörn. Rannsóknartímabilið er frá 2007 til 2012. Til að skoða arðsemi félaganna voru arðsemi eigin fjár, arðsemi heildareigna og hagnaðarhlutfallið skoðað. Skuldakennitalan Nettóskuldir/EBITDA var reiknuð ásamt veltufjárhlutfalli, eiginfjárhlutfalli og framlegðarhlutfalli. Til að fá sem bestu niðurstöður voru öll félögin sex borin saman til að kanna muninn og lögð var áhersla á að athuga muninn fyrir og eftir efnahagshrunið 2008. Einnig voru flokkarnir tveir sem nefndir hafa verið skoðaðir til að sjá hver munurinn er þar á milli. Að lokum voru teknar þær kennitölur sem aðgengilegar eru á vef Hagstofu Íslands skoðaðar og bornar saman við þær tölur sem hér fengust. Að lokum voru viðtöl tekin við stjórnendur félaganna til að fá þeirra sýn á hvaða kennitala og þættir í ársreikningnum eru mikilvægastir þegar meta á arðsemi og rekstur félaganna. Einnig var leitað svara við hvað þeim finnst vera þeirra aðal áhrifaþáttur á rekstur félagsins sem og sjávarútvegsins í heild. Í ljós kom að arðsemi félaganna hafði svipaða þróun á milli ára og áhrifin af efnahagshruninu voru ekki langvarandi. Þá kom einnig í ljós að félög í veiðum og vinnslu á botn- og upp sjávarfiski mældust með hærri arðsemi en þau sem stunda veiðar og vinnslu á botnfiski. Helstu þættir sem skoðaðir eru í ársreikningum félaganna sem rætt var við eru EBITDA, rekstrartekjur og skuldir ásamt því að reikna eiginfjárhlutfall, veltufjárhlutfall og fleira. Helstu áhrifaþættir á sjávarútveginn eru fyrst og fremst úthlutun aflaheimilda. ...