| Summary: | Eftirfarandi ritgerð er lokaverkefni til B.Ed.-prófs við Kennaradeild Háskólans á Akureyri. Viðfangsefni hennar er að skoða speglaða kennslu og varpa ljósi á uppruna og eðli aðferðarinnar ásamt því að skoða kennslufræðilegt gildi hennar í skólastarfi. Í upphafi er aðferðin skoðuð og skilgreind og helsta gagnrýni á hana útlistuð. Spegluð kennsla verður síðan skoðuð út frá notkun upplýsinga- og samskiptatækni í skólastarfi og þróuninni sem hefur orðið í þeim málaflokki. Þar er sjóninni beint að fjarnámsforminu og hugmyndinni um blandað nám. Einnig verður aðferðin skoðuð í ljósi tveggja kenninga um nám: atferlisstefnunnar og hugsmíðahyggjunnar. Samanburður verður gerður á kenningunum tveimur. Síðan verða kennsluhættir hugsmíðahyggjunnar skoðaðir til að greina hvort þeir samræmist hugmyndafræði speglaðrar kennslu. Aðferðin er síðan mátuð við þá þætti sem tilgreindir eru sem viðmið um lykilhæfni í almenna hluta gildandi aðalnámskrá grunnskóla. Úrvinnsla heimilda leiðir í ljós að spegluð kennsla er tiltölulega nýtt fyrirbæri í þeirri mynd sem hún er útfærð. Aðferðin hefur þróast úr fjarnámsforminu sem hluti af breytingum sem upplýsinga- og samskiptatækni hefur leitt af sér. Áhersla talsmanna speglaðrar kennslu á nemendamiðaða kennsluhætti samræmist kenningum og kennsluháttum hugsmíðahyggjunnar ásamt því að falla vel að lykilhæfniþáttum aðalnámskrár. Kröfu aðalnámskrár um virkt nám með fjölbreyttum kennsluaðferðum ætti að vera fullnægt í speglaðri kennslu, en eins og með annað sem gerist innan kennslustofunnar þá stendur það og fellur með kennaranum hvort spegluð kennsla sé vænleg til árangurs. The following thesis is a final assignment for a B.Ed. degree at the faculty of Education at the University of Akureyri. The subject addressed in the thesis is a teaching strategy, or method, referred to as "flipped learning". The aim is to shed light on the origin and nature of the method as well as examining its pedagogical value. The method is defined and described, and main criticisms outlined. Following that, flipped ...
|
|---|