„Á þessum stað, á þessari stundu, erum við allt mannkyn.“ Um sögu Beðið eftir Godot og sviðsetningu Kvenfélagsins Garps árið 2012

• Main Author: Esther Ýr Þorvaldsdóttir 1989-
• Other Authors: Háskóli Íslands
• Format: Bachelor Thesis
• Language: Icelandic
• Published: 2014
• Subjects: Almenn bókmenntafræði; Beckett; Samuel; 1906-1989; Beðið eftir Godot (leikrit); Bókmenntagreining; Reykjavík; Varpa
• Online Access: http://hdl.handle.net/1946/18132

Menningarpólitísk saga leikritsins Beðið eftir Godot eftir Samuel Beckett einkennist af mikilli valdabaráttu. Leikskáldið sem og stofnanir sem vinna í þágu þess hafa gagnrýnt, ritstýrt og jafnvel lagt fram ákærur á hendur leikhópum eða öðrum listamönnum sem hyggjast setja upp eða vinna með leikritið á einhvern hátt sem fyrrnefndum aðilum mislíkar. Í ritgerðinni er saga leikritsins rakin með það að markmiði að varpa ljósi á aðferðafræði sem Kvenfélagið Garpur notaði þegar það setti leikritið upp í Borgarleikhúsinu í Reykjavík árið 2012. Barátta Samuels Becketts heitins og samnefndrar stofnunar um listræn völd hefur haft gríðarleg áhrif á útkomu uppsetninga á leikritinu. Leikritið er þó gríðarlega vinsælt og hefur verið sett upp ótalmörgum sinnum af mismunandi fólki og á mismunandi stöðum frá því að það var flutt fyrst árið 1953. Oft má sjá þau viðhorf til ágreiningsmála Stofnunarinnar sem samfélagið hefur endurspeglast á sviðinu. Þau eru breytileg eftir stað og stund. Lög og pólitísk rétthugsun þeirra samfélaga sem þessar uppsetningar tilheyra ráða þó oftast úrslitum í þeim tilvikum sem málin enda í dómsal.