| Summary: | Markmið: Markmiðið var að rannsaka D-vítamínneyslu í fæði og D-vítamínbúskap 7 ára íslenskra skólabarna á haustmánuðum, september til nóvember 2006. Tengsl við líkamsþyngdarstuðul og þrek voru einnig könnuð. Mataræði 7 ára barna 2006 var einnig borið saman við mataræði 6 ára barna frá 2011 til að slá mati á hugsanlegan D-vitamínbúskap barna í dag. Aðferðir: Þriggja daga fæðuskráningum var safnað með jöfnu millibili frá september til nóvember (vika 36-46). Blóðsýni voru tekin eftir næturföstu og þrek var mælt með þrekhjóli. Fæðu- og næringarefnainntaka var reiknuð út og blóðgildi (s)-25(OH)D og kalkkirtilshormóns (PTH) greind. Ófullnægjandi D-vítamínbúskapur barna er skilgreindur sem <50 nmol/L, og D-vítamínskortur við <25 nmol/L. Gögn um 6 ára börn voru meðaltöl úr þriggja daga skráningum, fengin úr töflum úr vísindagrein um mataræði 6 ára barna frá 2012. Staðsetning: Rannsókn í grunnskólum í Reykjavík, um 6% allra barna í öðrum bekk á Íslandi 2006. Sex ára börn eru handahófsúrtak frá Hagstofunni tekið á fyrsta aldursári þeirra, frá öllu landinu. Þátttakendur: 7 ára börn (n=265), 65% gáfu gildar upplýsingar um inntöku (n=165), 60% gáfu blóðsýni (n=158) og 45% gáfu bæði gildar upplýsingar um inntöku og blóðsýni (n=120). Einnig 6 ára börn (n=162) sem gáfu gildar upplýsingar í Landskönnun á mataræði 6 ára barna 2011-2012. Niðurstöður: Um 22.4% barnanna náði ráðlagri neyslu af D-vítamíni (10 μg/d), og 65.2% höfðu ófullnægjandi s-25(OH)D stöðu (<50 nmol/L). Miðgildi s-25(OH)D var hærra fyrir börn sem tóku D-vítamínfæðubót, 49.2 nmol/L samanborið við 43.2 nmol/L (P<0.001). Miðgildi s-25(OH)D lækkaði frá viku 36 (september) (59.9 nmol/L) til 46 (nóvember) (36.7 nmol/L) (P<0.001). Aðhvarfsgreiningarmódel sýndi að 19.3% í breytileika á s-25(OH)D mátti rekja til vikunúmers að hausti (P<0.001), 5.5% til D-vítamíninntöku (P=0.003) og 4.7% til þreks (P=0.004). Strákar neyttu meira D-vítamíns (P<0.01), lýsis (P=0.03) og fisks (P=0.04), og höfðu meira þrek (P<0.01) en stelpur. Meðal D-vítamínneysla var ...
|
|---|