| Summary: | Verkefnið er lokað til 30.4.2018. Þessi ritgerð fjallar um viðhorf kennaranema til aukinnar notkunar á gagnvirkum vefmiðlum í skólastarfi. Hún var unnin sem lokaverkefni í kennaradeild við Háskólann á Akureyri vorið 2013. Gerð var rannsókn með bæði megindlegum og eigindlegum rannsóknaraðferðum þar sem lögð var fyrir spurningakönnun og tekin voru viðtöl. Rafræn spurningakönnun var lögð fyrir alla kennaranema við Háskólann á Akureyri á 2., 3. og 4. ári á mið- og efsta stigi. Einnig voru fengnir sjö kennaranemar í einstaklingsviðtöl til að fá dýpri sýn á viðhorf þeirra. Rannsókninni er ætlað að varpa ljósi á viðhorf verðandi kennara til notkunar á gagnvirkum vefmiðlum í skólastarfi. Í ritgerðinni er farið yfir þróun upplýsingatækni í skólastarfi þar sem litið er til áherslna í aðalnámskrám grunnskóla frá árinu 1989 til 2013. Skoðaðar eru umræður um tölvumál úr hinum ýmsu áttum auk þess sem litið er til notkunar spjaldtölva í skólum og öruggrar netnotkunar. Einnig er fjallað um rannsóknarverkefnið NámUST sem er um notkun upplýsinga- og samskiptatækni í námi og kennslu. Hugtökin Web 2.0 og gagnvirkir vefmiðlar eru skilgreind þar sem tilgreindir eru notkunarmöguleikar þeirra. Nokkrum gagnvirkum vefmiðlum eru gerð skil og greint frá þeim gagnvirku vefmiðlum sem náð hafa umtalsverðri útbreiðslu. Í lok fræðilega hluta ritgerðarinnar er fjallað um þrjár ólíkar rannsóknir sem eru á einn eða annan hátt um notkun gagnvirkra vefmiðla í skólastarfi. Rannsóknin leiddi í ljós að allir kennaranemarnir töldu sig hafa mikla reynslu af notkun gagnvirkra vefmiðla. Það sem hvetur þá mest til að vilja nota þá í kennslu er að koma til móts við þarfir nemenda og þeir eru allir sammála því að það sé vel hægt að nýta gagnvirka vefmiðla í skólastarfi. Flestir telja að gagnvirkir vefmiðlar geta nýst jafn vel í öllum námsgreinum. Algengast er að kennaranemarnir telja að gagnvirkir vefmiðlar geta nýst í foreldrasamstarfi en síður í samskiptum við nemendur. Mörgum finnst þeir finna fyrir þrýstingi frá skólum, skólastjórnendum og nemendum um ...
|
|---|