| Summary: | Markmið rannsóknarinnar var að kanna val 10. bekkinga á Suðurlandi og Norðurlandi eystra á námi í framhaldsskóla í ljósi mismunandi námsframboðs í framhaldsskólum í heimahéraði. Rannsóknin beindist að vali nemenda á námsbraut, viðhorfum og væntingum til náms og starfa og hvort val nemenda væri í samræmi við áhuga. Könnunin náði til 171 nemanda á Suðurlandi og 150 nemenda á Norðurlandi eystra. Helstu niðurstöður sýndu að meirihluti nemenda í 10. bekk velja námsbraut í framhaldsskóla í samræmi við áhuga. Langflestir nemendur hyggjast velja bóknámsbraut til stúdentsprófs og flestir nemendur hafa mikinn eða nokkurn áhuga á þeim brautum. Næstflestir hafa mikinn eða nokkurn áhuga á listnámsbrautum og þar á eftir brautum í matvæla- og ferðaþjónustugreinum. Ekki kom fram munur eftir búsetu á námsvali og heldur ekki á samræmi milli námsvals og áhuga og því eru fyrirætlanir nemenda landshlutanna áþekkar. Munur kom fram eftir búsetu á áhuga nemenda á bóknámsbrautum til stúdentsprófs og á brautum í matvæla- og ferðaþjónustugreinum. Fleiri nemendur á Suðurlandi en á Norðurlandi eystra höfðu mikinn eða nokkurn áhuga á bóknámsbrautum til stúdentsprófs en aftur á móti höfðu fleiri nemendur á Norðurlandi eystra en á Suðurlandi mikinn eða nokkurn áhuga á matvæla- og ferðaþjónustugreinum. Vonast er til að niðurstöðurnar geti nýst sem innlegg í endurskoðun námsbrautalýsinga framhaldsskólanna. Þær ættu einnig að geta verið gagnlegar fyrir náms- og starfsráðgjafa sem eru að aðstoða nemendur við val á námsbrautum. The aim of this study was to investigate the choice of 10th graders in primary school, in both the Southern and Northern parts of Iceland, on the topics in secondary school, in the light of the difference in the offered line of studies at their local schools. The research was directed at the students´ choice of study line, their attitude and their expectations to their studies and vocations, and if students´ choices were according to their interests. The survey was presented to 171 10th grade students in Southern Iceland ...
|
|---|