| Summary: | Í þessu verkefni er leitast við að finna út hvort það sé einhver áberandi munur á flúormagni í gróðursýnum sem eru tekin í vissum radíus frá álverinu í Straumsvík. Stuðst er við skýrslu sem er unnin af Nýsköpunarmiðstöð Íslands sem ber heitið Fluorine Investigation in the Vicinity of ISAL-Alcan Iceland Ltd.; complete data from the laboratories 2009 og gróðurskýrslu frá 1990 til 2009 sem er einnig frá Nýsköpunarmiðstöð Íslands. Í skýrslunni eru niðurstöður settar fram sem meðaltalsgildi, en í þessu verkefni verða mældu gildin tekin beint út og teiknuð upp á línurit. Valdir voru nokkrir punktar af þeim sem sýnatökur hafa farið fram á. Í þessu verkefni voru valdir fimm punktar fyrir trjágróður og fjórir punktar með sýnum af grasi. Allir punktarnir með trjágróðri voru í 3,7 km fjarlægð og upp í 5.0 km radíus frá álverinu í Straumsvík. Punktarnir fyrir sýni flúormagns í grasi voru í 5,2 km fjarlægð til 9,9 km radíus frá álverinu. Þegar búið var að skoða alla þessa punkta og bera þá saman við meðaltalsgildi sem eru sett fram í gróðurskýrslu frá 1990 til 2009 kom í ljós að ekki voru miklar sveiflur í magni flúoríðs í einstaka punkti.
|
|---|