| Summary: | Í þessari ritgerð verða kenningar og viðhorf til menntunar á norðurskautssvæðinu skoðuð, hvernig innfæddir við norðurheimskautsbaug nota þekkingu sína á nánasta umhverfi og lífríkinu til að kenna unga fólkinu fyrir utan hina „hefðbundnu“ skólastofu, þetta er gert til að styrkja frekari tengsl barnanna við náttúruna sem mun veita þeim dýpri skilning á arfleið sinni. Kunnátta innfæddra á norðurslóðum er mikið notuð við kennslu þar sem börn læra af eldra fólkinu, hvernig á að umgangast lífríkið og náttúruna en jafnframt að bera virðingu fyrir öðrum og umhverfi sínu og að þau þekki arfleið sína, sögu þjóðarinnar, tungumálið og venjur. Þessum kennsluaðferðum innfæddra er fléttað inní hina vestrænu kennsluaðferð, það er arftekinn þekking frá eldra fólkinu ásamt vestrænni þekkingu. Menntun okkar þarf ekki eingöngu að fara fram í skólastofu, umhverfi okkar hefur umfangsmikla möguleika sem nota má til kennslu. Það eru þýðingarmikil samskipti sem eiga sér stað við norðurheimskautssvæðið milli minnihlutahópa og meirihlutahópa, sem eru staðsettir þvert yfir gríðarstórt svæði með litlum íbúafjölda. Vegna þessa er stundum litið á menntun á norðurslóðum sem leikvöll þar sem ólíkir þjóðfélagshópar berjast um að hafa áhrif. En menntun ætti að vera mikilvægur mælikvarði fyrir mannlegum þroska á norðurskautssvæðinu. Áður fyrr voru börn á norðurskautssvæðinu aðskilin frá foreldrum sínum og fjölskyldu til þess að komast í nám, enn þann dag í dag ef börn á þessum svæðum vilja sækja sér æðri menntun, það er að fara í háskólanám, þá þurfa þau enn að yfirgefa heimaslóðir sínar og fjölskyldu. Í dag eru skólar í flestum samfélögum á norðurslóðum, en jafnframt geta nemendur sem búa á mjög afskektum stöðum og á dreifbýlisstöðum fengið heimakennslu. Aukin tengsl við umheiminn með tilkomu netsins veita nemendum tækifæri til að taka námskeið á internetinu, og má þá nefna til dæmis B.A. gráðu í norðurslóðafræðum við Háskóla Norðurslóða. Ritgerðin mun jafnframt fjalla um hinar ýmsu tegundir skóla við norðurskautssvæðinu, flökkuskóla eða ...
|
|---|