Ljósmyndadagar
Ljósmyndadagar voru haldnir 9. – 12. febrúar 2012 á vegum Ljósmyndasafns Reykjavíkur og Félags íslenskra samtímaljósmyndara (FÍSL). Á Ljósmyndadögum var fjölbreytt dagskrá sem spannaði fjóra daga í febrúarmánuði. Sögulegar og samtímaljósmyndasýningar voru settar upp víðsvegar um borgina, ljósmyndarý...
| Main Author: | |
|---|---|
| Other Authors: | |
| Format: | Master Thesis |
| Language: | Icelandic |
| Published: |
2012
|
| Subjects: | |
| Online Access: | http://hdl.handle.net/1946/11768 |
| Summary: | Ljósmyndadagar voru haldnir 9. – 12. febrúar 2012 á vegum Ljósmyndasafns Reykjavíkur og Félags íslenskra samtímaljósmyndara (FÍSL). Á Ljósmyndadögum var fjölbreytt dagskrá sem spannaði fjóra daga í febrúarmánuði. Sögulegar og samtímaljósmyndasýningar voru settar upp víðsvegar um borgina, ljósmyndarýni var skipulögð, farið var í ljósmyndagöngur og ljósmyndagreining var haldin. Hvert er gildi þess að halda Ljósmyndadaga í Reykjavík? Hvers konar áhrif hefur ljósmyndatengdur viðburður eins og Ljósmyndadagar á ljósmyndalandslagið hér á landi? Reynt var að höfða bæði til almennings, áhugafólks og atvinnuljósmyndara með fjölbreyttri dagskrá á Ljósmyndadögum. Ljósmyndarýni (e. portfolio review) var haldin í fyrsta skipti á Íslandi fyrir íslenska ljósmyndara. Erlendum ljósmyndafræðingum var boðið til landsins til að kynnast íslenskri samtímaljósmyndun. Viðburðurinn átti bæði að kynna íslenska ljósmyndara og samtímaljósmyndamenningu fyrir umheiminum og skapa ný tækifæri fyrir íslenska ljósmyndara erlendis. Ljósmyndasýning frá ljósmyndahátíðinni Voies Off í Arles í Frakklandi var sett upp og íslensk samtímaljósmyndasýning. Með því var myndað samband við erlenda ljósmyndahátíð sem var að einhverju leyti fyrirmynd Ljósmyndadaga. Sögulegar ljósmyndasýningar voru settar upp sem áttu að höfða bæði til almennings og þeirra sem stunda ljósmyndun. Ljósmyndagöngur fóru fram í fimm hverfum Reykjavíkurborgar. Þær áttu að höfða til almennings þar sem fjallað var um sögu og uppbyggingu hverfana. Efnt var til ljósmyndasamkeppni fyrir áhugasama og ljósmyndagreining var haldin á Þjóðminjasafni Íslands þar sem gestum gafst kostur á að koma með eldri ljósmyndir og fá greiningu á þeim. Geisladiskur fylgir prentaða eintakinu sem er varðveitt á Landsbókasafni Íslands - Háskólabókasafni |
|---|