| Summary: | Minnkandi kröfur um hreyfingu í daglegu lífi almennings síðustu áratugi hafa leitt til kyrrsetu og minna líkamlegs álags. Það hefur valdið áhyggjum manna um áhrif þess á líkamsástand og heilsu ungmenna. Tilgangur þessarar rannsóknar var að kanna holdafar, þrek og lífsstíl 18 til 19 ára framhaldsskólanema á Íslandi. Rannsóknin náði til 1181 nemenda í 8 framhaldsskólum, í Reykjavík, Garðabæ og á Akureyri, sem fæddir voru 1987. Spurningalista um lífsstíl svöruðu 636 (54%). Af þeim völdust með tilviljunarúrtaki 149 til mælinga á líkamsfari (hæð, þyngd, ummál mittis og mjaðma auk húðfellinga á 4 stöðum). Hreyfimælar voru settir á 142 nemendur í 6 daga, 50% hreyfimælanna reyndust uppfylla kröfur um skráningu. Að síðustu var hámarksþrek mælt hjá 82 nemendum á þrekhjóli og gefið upp í W/kg. Meginniðurstöður: Kyrrseta (skjátími) pilta (n=261) utan skólatíma er 3,5 klst (+/3,15;) virka daga og 5,3 klst (+/3,41) um helgar. Kyrrseta stúlkna (n=357) er 3,23 klst (+/2,75) virka daga og 4,45 klst (+/2,57) um helgar. Fylgni er milli kyrrsetu irka daga og um helgar hjá báðum kynjum. Kyrrseta pilta er marktækt meiri en stúlkna, bæði virka daga og um helgar. Ferðamáti á einkabíl er algengur en 70,9% piltanna og 65,7% stúlknanna ferðast með einkabílum. Þátttaka í íþróttaæfingum eftir skóla er meiri meðal pilta en stúlkna, bæði með skólaliðum og íþróttafélögum. Daglega reykja 9,8% og 15,5% fikta við reykingar. Þau sem drekka áfengi reykja meira. Þau sem stunda íþróttir reykja minna. Námsárangur minnkar með aukinni áfengisnotkun og reykingum. Nemendur menntaskóla fá hærri einkunnir en nemendur áfangaskóla. LÞS (BMI) pilta var að meðaltali 23,1 kg/m2 (SD 2,7; n=61) (76,8kg/180 m2) og stúlkna 22,2 kg/m2 (SD 3,2; n=87) (60,2 kg/167 m2). Ummál mittis pilta var 78,16 sm (SD 7,97) og stúlkna 70,01 sm (SD 7,48) (t = 6,35;p<0,01). Þykkt húðfellinga hjá piltum mældist 42,3 sm (SD 17,54) og stúlkna 61,51 sm (SD 21,35) (t= 5,78; p<0,01). Meðalþrek (EO) pilta var 3,23 W/kg (SD 0,51; n=38) og stúlkna 2,76 W/kg (SD 0,42; n=44) (t=4,63; ...
|
|---|