Fjarkennsla í faraldri : Nám og kennsla í framhaldsskólum á tímum samkomubanns vegna COVID-19

• Published in: Netla
• Main Authors: Gestsdóttir, Súsanna Margrét, Ragnarsdóttir, Guðrún, Björnsdóttir, Amalía, Eiríksdóttir, Elsa
• Other Authors: Deild faggreinakennslu, Deild kennslu- og menntunarfræði
• Format: Article in Journal/Newspaper
• Language: Icelandic
• Published: 2021
• Subjects: Framhaldsskólakennarar; COVID-19; Fjarkennsla; Kennsluhættir; Upper secondary schoolteachers; Teaching practices; Distance education; Remote learning; Halda; Iceland
• Online Access: https://hdl.handle.net/20.500.11815/3315; https://doi.org/10.24270/serritnetla.2020.25

Sú heimskreppa sem orðið hefur vegna COVID-19 faraldursins hefur haft gríðarleg áhrif á starf íslenskra framhaldsskóla. Vegna samkomubanns sem stjórnvöld lýstu yfir færðist allt staðnám á því skólastigi yfir í fjarnám (hér eftir fjarkennsla) á einni helgi. Markmið greinarinnar er að skoða hvernig framhaldsskólakennarar tókust á við nýjan raunveruleika meðan á samkomubanninu stóð, hvernig kennsluhættir breyttust og mat þeirra á námsgengi nemenda. Í greiningunni verður litið sérstaklega til áhrifa skólastærðar og fyrri reynslu kennara af fjarkennslu. Niðurstöðurnar eru byggðar á spurningalistagögnum sem Menntavísindastofnun Háskóla Íslands safnaði á vordögum 2020. Alls svöruðu 680 kennarar listanum. Niðurstöðurnar sýna að framhaldsskólakennurum tókst að bregðast hratt við ástandinu og halda úti kennslu í samkomubanni, þó í breyttri mynd væri. Flestir kennarar réðu að mestu sjálfir hvernig þeir höguðu kennslu sinni og töldu sig ekki fá mikinn stuðning í skólum sínum. Kennsla og námsmat varð einsleitara og kröfur til nemenda breyttust nokkuð. Flestir kennarar sýndu aukinn sveigjanleika og höfðu áhyggjur af slakari mætingu nemenda. Á öllum þessum þáttum var þó merkjanlegur munur eftir skólastærð og einnig hafði fyrri reynsla af fjarkennslu sitt að segja. Greinin er mikilvægt innlegg í umræðu um fyrirkomulag fjarkennslu í neyðarástandi (e. emergency remote teaching) (Bozkurt og Sharma, 2020) og þar er bent á atriði sem brýnt er að líta til við áframhaldandi þróun kennslu og kennsluhátta á framhaldsskólastigi. Greinin sýnir einnig hvers megnug kennarastéttin var í COVID-19 ásamt að þar er bent á flókin úrlausnarefni kennara og tækifæri til umbóta As in other parts of the world, the COVID-19 pandemic had an extensive impact on the Icelandic education system. During the spring semester 2020 all upper secondary school buildings closed and teaching and learning was moved online overnight. This change which can be described as ‘emergency remote teaching’ (Bozkurt & Sharma, 2020) posed significant challenges for ...