Ábendingar og árangur ósæðarlokuísetningar með þræðingartækni (TAVI) á Íslandi

• Published in: Læknablaðið
• Main Authors: Lárusdóttir, Katrín Júniána, Guðmundsson, Hjalti J., Johnsen, Árni, Sigurðsson, Martin Ingi, Guðbjartsson, Tómas, Guomundsdóttir, Ingibjörg Jóna
• Other Authors: Skurðstofur og gjörgæsla, Læknadeild, Hjarta- og æðaþjónusta, Önnur svið, Landspítali
• Format: Article in Journal/Newspaper
• Language: Icelandic
• Published: 2021
• Subjects: Svæfinga- og gjörgæslulæknisfræði; Hjarta- og lungnaskurðlæknisfræði; Hjartalæknisfræði; Aortic stenosis; Complications; Indications; Outcome; Survival; Transcatheter aortic valve implantation; Humans; Risk Factors; Male; Transcatheter Aortic Valve Replacement/adverse effects; Treatment Outcome; Aortic Valve Stenosis/diagnostic imaging; Heart Valve Prosthesis Implantation/adverse effects; Aged; 80 and over; Female; Iceland/epidemiology; Retrospective Studies; Aortic Valve/diagnostic imaging; Læknisfræði (allt); Fjórðungur; Hjarta; Iceland
• Online Access: https://hdl.handle.net/20.500.11815/3111; https://doi.org/10.17992/lbl.2021.03.625

Publisher Copyright: © 2021 Laeknafelag Islands. All rights reserved. INNGANGUR Ósæðarlokuþrengsl eru algengasti lokusjúkdómurinn á Vesturlöndum. Hefðbundin meðferð við alvarlegum þrengslum hefur verið opin ósæðarlokuskipti en síðastliðin ár hefur ósæðarlokuísetning með þræðingartækni (TAVI) rutt sér til rúms hér á landi sem erlendis. Markmið rannsóknarinnar var að kanna árangur TAVI-aðgerða á Íslandi með áherslu á ábendingar, fylgikvilla og lifun. EFNIVIÐUR OG AÐFERÐIR Rannsóknin var afturskyggn og tók til allra TAVI-aðgerða sem framkvæmdar hafa verið á Íslandi frá janúar 2012 til loka júní 2020. Skráðir voru bakgrunnsþættir sjúklinga, afdrif og fylgikvillar en einnig heildarlifun sem borin var saman við íslenskt viðmiðunarþýði af sama kyni og aldri. Meðal eftirfylgd var 2,4 ár. NIÐURSTÖÐUR Alls voru framkvæmdar 189 aðgerðir (meðalaldur 83 ± 6 ár, 41,8% konur), allar með sjálfþenjandi lífrænni gerviloku. Flestir sjúklingar (81,5%) höfðu alvarleg hjartabilunareinkenni (NYHA-flokkar III-IV) og miðgildi EuroSCORE-II var 4,9 (bil 0,9-32). Á hjartaómskoðun fyrir aðgerð var hámarks þrýstingsfallandi að meðaltali 78 mmHg og lokuflatarmál 0,67 cm2. Rúmlega fjórðungur (26,5%) sjúklinga þurfti ísetningu varanlegs gangráðs í kjölfar TAVI-aðgerðar. Aðrir fylgikvillar voru oftast æðatengdir (13,8%), en hjartaþröng greindist í 3,2% tilfella og heilablóðfall í 2,6%. Mikill randstæður leki við gerviloku sást hjá 0,5% sjúklinga. Dánartíðni innan 30 daga frá aðgerð var 1,6% (n=3) og lifun einu ári frá aðgerðadegi 93,5% (95% ÖB: 89.8-97.3). Heildarlifun var sambærileg lifun viðmiðunarþýðis af sama kyni og sama aldri (p=0,23). ÁLYKTANIR Árangur TAVI-aðgerða hér á landi er mjög góður, ekki síst þegar litið er til lágrar 30 daga dánartíðni og heildarlifunar sem var sambærileg og hjá viðmiðunarþýði. Auk þess var tíðni alvarlegra fylgikvilla lág. INTRODUCTION: Surgical aortic valve replacement (SAVR) has been the standard of treatment for aortic stenosis but transcatheter aortic valve implantation (TAVI) is increasingly used as ...