| Summary: | Denne masteroppgåva tek for seg det Bodø-baserte indie-rockebandet Kråkesølv. Gruppa starta opp i 2009 og er kjent for å vere dei fyrste som gjorde indie-rock-sjangeren på norsk, med tekstar på klingande nordlandsk-dialekt. Målet med oppgåva er å gi eit overblikk over det musikalske universet Kråkesølv opererer i, samt ei djupare forståing av enkelte låtar. Oppgåva tek også kort for seg problematikk rundt sjangeromgrep og utforskar det som er knytt opp mot publikum si oppleving av gruppa – autentisitet. Teorigrunnlaget masteroppgåva er basert på varierer frå generell teori om lyriske strukturar gitt av Atle Kittang, til populærmusikkvitskapleg teori og forsking utført av Alan F. Moore og Ulf Lindberg, med fleire. I tillegg er somme kjelder frå psykologien tatt i bruk for å underbygge visse psykologiske fenomen under analyse og diskusjon av låttekstar. Det er også tatt i bruk ei stor mengd avisartiklar og intervju med og knytt opp til Kråkesølv, for å få ei forståing av korleis lokalmedia oppfattar og omtalar gruppa, samt kva bandmedlemmene sjølv har å seie om musikken sin. Musikken i seg sjølv – dei seks albuma Kråkesølv har gitt ut i løpet av karrieren – har også vore ei særdeles sentral kjelde i arbeidet med masteroppgåva, då dette har vore sjølve forskingsobjektet og utgangspunktet for analysane. Størsteparten av masteroppgåva består av analyse. Desse er inndelt i parameter som form, melodikk, harmonikk, tekstanalyse og så vidare. Sentrale musikalske poeng vert belyst og drøfta undervegs, og etterkvart sett saman i ei større forståing. Det er viktig å understreke at det ikkje er gjort noko forsking på området tidlegare, så hensikta med ein slik inngåande og brei analyse er å legge eit teoretisk grunnlag som fyller dette tomrommet. This master's thesis deals with the Bodø-based indie rock band Kråkesølv. The group formed in 2009 and is known for being the first band to do the indie-rock genre in Norwegian, with lyrics in a northern Norwegian dialect. The aim of the thesis is to give an overview of the ...
|
|---|