| Summary: | Neðst á síðunni er hægt að nálgast greinina í heild sinni með því að smella á hlekkinn Skoða/Opna(view/open) Algengi IgM mótefna gegn Legionella species meðal íslenskra barna var athugað í framvirkri rannsókn. Mótefni voru mæld hjá 424 börnum á aldrinum eins mánaðar til tólf ára. Flest barnanna höfðu engin einkenni um lungnabólgu við töku sýnanna. Mæld voru mótefni gegn Legionella pneumophila sermigerð 1-6, L. bozemanii, L. dumoffii og L. micdadei með örkekkjunar-aðferð. Mótefni gegn Legionella ssp hjá börnum án lungnabólgu fundust í tæplega 22% tilfellanna en hjá 30% barna eldri en þriggja ára. Flest börn með mótefni gegn Legionella ssp höfðu ekki fyrri sögu um lungnabólgu eða tíðar öndunarfærasýkingar. Börn með lungnabólgu, tíðar öndunarfærasýkingar, astma eða fyrri, lungnabólgu höfðu ekki hærri tíðni mótefna en önnur börn. Niðurstöður rannsóknarinnar bcnda til að íslensk börn verði oft fyrir smiti af völdum Legionella species eða skyldrar bakteríu.
|
|---|