| Summary: | I perioden 20. januar til 6. mars 1994 registrerte FF "G.O. Sars" og FF "Johan Hjort" lodde i samband med ungtorskundersøkingane i Barentshavet. Heile det sørlege Barentshavet vart dekka med standard akustisk metodikk. Berre svært spreidde forekomstar av lodde vart observert i januar og februar, men nokre tettare konsentrasjonar med modnande lodde vart observert i mars. Eit akustisk estimat gav totalt 120 000 tonn lodde, der om lag 45 000 tonn var modnande fisk. Det kan konkluderast at loddebestanden i Barentshavet er inne i eit totalt samanbrot, og gytinga i vinter vil ha eit lite omfang samanlikna med dei tre foregåande åra.
|
|---|