Sámegielat rádio ja sápmelaccat:Yle Sámi guldalandutkamus 2018

• Main Author: Lakkala, A. (Aletta)
• Format: Master Thesis
• Language: Northern Sami
• Published: University of Oulu 2019
• Subjects: Bukten; Sámegiela
• Online Access: http://jultika.oulu.fi/Record/nbnfioulu-201905161807

Abstract . Dutken Pro gradu -barggustan Yle Sámi rádio guldaleami dábiid, sivaid ja mearkkašumiid sápmelaččaide jagi 2018. Barggus lei deaddu kvantitatiiva dutkamušas, muhto bukten ovdan maiddái guldaleami kvalitatiiva iešvuođaid. Jearahallen dutkamuššii čakčat 2018 160 badjel 15-jahkásaš sápmelačča. Ollašuhtten jearahallamiid rabas digitála- ja bábergažadanskoviiguin. Vástideaddjit ovddastedje viidát iešguđet sohkabealle-, ahke- ja giellajoavkkuid ja ruoktoguovlluid. Dutkamušan teorehtalaš duogážin geavahin Yle Sámi rádioguldaleamis árat dahkkojuvvon dutkamušaid, vehádatgielat rádio mearkkašumis čállojuvvon girjjálašvuođa, rádio sajádagas váldoservodagas dahkkojuvvon čielggademiid ja rádioguldalanteoriijaid. Gieđahallen ja analyserejin Yle Sámi rádio guldaleami sihke olles vástideaddjijoavkku dásis, muhto ohcen maiddái erohusaid iešguđetlágan olmmošjoavkkuid gaskkas. Dutkamušan váldogávnnus lei, ahte sápmelaččain leat áibbas iežaslágan dábit guldalit sámerádio iige daid sáhte buohtastahttit váldoálbmoga rádioguldalandábiide. Nubbi váldogávnnus lei, ahte sámegielat rádios leat sápmelaččaide aiddo dakkár mearkkašumit go vehádatmedian leat gávnnahan leat vehádagaide birra máilmmi. Dutkamuša vástideaddjiin lagabui bealli muitalii guldalit Yle Sámi rádioprográmmaid duollet dálle, badjelaš njealjádas álo dahje dávjá, ja badjelaš njealjádas hárve dahje ii goassige. Vástideaddjit guldaledje Yle Sámi rádio jagi 2018 buot eanemus biillas ja ruovttus. Bivnnuhamos guldalanrusttegat ledje biilarádio, dihtor ja beavderádio. Vástideaddjit guldaledje sámerádio buot millosamosit duorastagaid, de bearjadagaid ja goalmmádin vuossárggaid. Millosamosit sii guldaledje Yle Sámi rádioprográmmaid iđđes diibmu 7–9, de eahkes diibmu 17–21 ja goalmmádin eahketbeaivve diibmu 14–17. Buot eanemus vástideaddjiid geasuhedje rádioođđasat ja nuorra ollesolbmuide oaivvilduvvon Sohkaršohkka, ja buot unnimus rohkosprográmmat ja mánáidprográmma Binna Bánna. Eanemus sámerádio guldaluvvui sámi ságaid, nubbin sámegiela ja goalmmádin sámemusihka — muhto ...