Ritmos circadianos/estacionais de fauna vertebrada acuática e terrestre a partir do fototrampeo

• Main Author: Llinares Taboada, Ánxela
• Other Authors: Martínez Abraín, Alejandro, Universidade da Coruña. Facultade de Ciencias
• Format: Bachelor Thesis
• Language: Galician
• Published: 2018
• Subjects: Ritmos circadianos; Mamíferos; Caza; Fase da lúa; Reprodución; Perturbación humana; Fase lunar; Reproducción; Circadian rhythms; Mammals; Hunting; Moon phase; Reproduction; Human disturbance; Hora; Polo; Dun; Canis lupus; Lontra; Lutra lutra
• Online Access: http://hdl.handle.net/2183/20896

[Resumo] Os ritmos de actividade circadiana son esenciais para a supervivencia dos seres vivos, xa que serven para actuar anticipándose aos cambios no medio, o que os fai imprescindibles. Os cambios ambientais son factores que inflúen directamente nestes ritmos, facendo que os animais teñan que ser organismos con capacidade de adaptación ante as perturbacións, para maximizar así o seu éxito na carreira da evolución. Neste traballo, descríbense os ritmos circadianos de mamíferos terrestres e acuáticos mediante o fototrampeo, analizando os patróns dun total de 10 especies: corzo (Capreolus capreolus), lobo (Canis lupus), lontra (Lutra lutra), garduña (Martes foina), marta (Martes martes), porco teixo (Meles meles), donicela (Mustela nivalis), raposo (Vulpes vulpes), xabaril (Sus scrofa) e xeneta (Genetta genetta). En segundo lugar, analizáronse os efectos da caza, as fases da lúa, a presenza da xente e os períodos biolóxicos sobre os ritmos de actividade. Na maioría dos casos, a actividade foi principalmente nocturna e crepuscular, como é de esperar en especies perseguidas historicamente polo ser humano. Porén, as lontras foron maioritariamente diúrnas e o corzo mostrou unha inesperada porcentaxe de actividade diúrna. O xabaril tivo unha maior frecuencia durante o día fóra da tempada de caza. As fases da lúa non mostraron ningún efecto sobre os ritmos circadianos. Non se observou solapamento entre os picos de actividade da fauna e os humanos (demostrando que a fauna evita ao ser humano, o seu axente histórico de persecución), e no caso do corzo e o raposo observouse unha diferenza estatisticamente significativa na hora media de actividade. O lobo mostrou unha maior actividade diúrna durante o período reprodutivo. [Resumen] Los ritmos de actividad circadiana son esenciales para la supervivencia de los seres vivos, ya que sirven para actuar anticipándose a los cambios en el medio, lo que los hace imprescindibles. Los cambios ambientales son factores que influyen directamente en estos ritmos, haciendo que los ...