Sameining og yfirtaka fyrirtækja : lykilþættir árangurs

• Main Author: Auður Úa Sveinsdóttir
• Other Authors: Háskólinn á Akureyri
• Format: Thesis
• Language: Icelandic
• Published: 2004
• Subjects: Fyrirtæki; Yfirtaka; Samruni fyrirtækja; Viðskiptafræði; Akureyri; Veita; Háskólans á Akureyri
• Online Access: http://hdl.handle.net/1946/996

Verkefnið er opið nemendum og starfsfólki Háskólans á Akureyri Íslenskt atvinnulíf hefur tekið miklum stakkaskiptum síðasta áratug. Bankarnir hafa verið fyrirferðamiklir í atvinnulífinu og eru nú orðnir helstu hluthafar í stærstu fyrirtækjum landsins. Viðskiptablokkum hefur fjölgað og eru nú einkennandi fyrir íslenskt atvinnulíf. Er það afleiðing aukins frelsis í viðskiptalífinu, aukningar í sölu ríkisfyrirtækja og minnkandi pólitískra afskipta. Einnig er komin fram ný kynslóð stjórnenda sem hefur tileinkað sér annan hugsunarhátt og vinnubrögð. Bjartsýni og djörfung eru áberandi meðal stjórnenda þeirra fyrirtækja sem hvað mest hafa sig frammi. Stjórnenda sem hafa sett fram ákveðna stefnu, skýr markmið og framtíðarsýn sem unnið er staðfastlega eftir í þeim tilgangi einum að ná settum markmiðum. Þeir ná mestum árangri sem hvað fyrstir eru að greina möguleikana , taka áhættu og nýta sér þá. Stefnumótum er eitt af allra mikilvægustu verkefnum fyrirtækjastjórnenda og segja má að meðvituð og skýr stefna fyrirtækis sé forsenda framúrskarandi árangurs. Ef nokkurntímann er þörf á skýrri stefnu og nákvæmri skilgreiningu markmiða, þrep fyrir þrep, þá er það fyrir sameiningar og yfirtökur. Til að gera ferlið auðveldara og öruggara er mikilvægt fyrir stjórnendur að veita og afla greinagóðra upplýsinga og nýta sér vitneskju starfsmanna með samvinnu við þá. Þannig fá stjórnendur starfsfólkið með sér og allir verða áhugasamari, sem leiðir til þess að ferlið gengur betur fyrir vikið. Lykilorð: • Sameining • Yfirtaka • Stefnumótun • Þekking • Árangur