Að hefja lestrarnám

• Main Author: Halldóra Katrín Guðmundsdóttir
• Other Authors: Háskólinn á Akureyri
• Format: Thesis
• Language: Icelandic
• Published: 2004
• Subjects: Grunnskólar; Lestur; Kennsluaðferðir; Akureyri; Gerðar; Háskólans á Akureyri
• Online Access: http://hdl.handle.net/1946/990

Verkefnið er opið nemendum og starfsfólki Háskólans á Akureyri Eftirfarandi verkefni er lokaverkefni til B.Ed.- prófs við kennaradeild Háskólans á Akureyri, vormisseri 2004. Þegar börn byrja í skóla hefst nýr kafli í lífi þeirra. Þau koma í nýtt umhverfi, kynnast nýjum félögum og fullorðnu fólki sem fer með umsjón þeirra. Kennari sem tekur á móti börnum sem eru að hefja skólagöngu sína stendur frammi fyrir ögrandi verkefni. Hann þarf að skoða hver reynsla barnanna er, hvernig þroski þeirra hefur þróast og hvernig beri að búa þau sem best undir framtíðina. Hver kennari býr yfir eigin starfskenningu sem skiptist í faglegan- og persónulegan hluta. Faglegi hlutinn inniheldur þá faglegu þekkingu, reynslu og þær væntingar sem til hans eru gerðar. Persónulegi hlutinn stjórnast af viðhorfum hans, lífssýn og gildismati. Allt hefur þetta áhrif á þær aðferðir sem kennarinn tileinkar sér í starfi og það viðmót og skilning sem hann sýnir öðrum í umhverfi sínu. Málþroski barna er mikilvægur þegar kemur að lestrarnáminu. Því er mikilvægt að kennarar hafi þekkingu á því þroskaferli og viti hvað getur farið úrskeiðis og hvaða lausnir og fyrirbyggjandi atriði eru til staðar ef frávik finnast hjá börnum.