Gagnrýnin umræða um hvernig mat á hagrænu og félagslegu virði menningarstarfs birtist í menningarsamningi ríkisins og Samtaka sveitarfélaga á Austurlandi eða . margt býr í þokunni

• Main Author: Vilhjálmur Hjálmarsson 1967-
• Other Authors: Háskólinn á Bifröst
• Format: Master Thesis
• Language: Icelandic
• Published: 2011
• Subjects: Félagsvísindi; Menning; Hagfræði; Stefnumótun; Byggðastefna; Iceland
• Online Access: http://hdl.handle.net/1946/9844

Í þessari rannsókn er skoðað hvernig hagrænt og félagslegt virði hefur verið metið í tengslum við menningarsamning ríkisins og Samtaka sveitarfélag á Austurlandi (SSA). Samningurinn var gerður árið 2001 og endurnýjaður í tvígang árin 2005 og 2008. Sambærilegir samningar hafa síðan verið gerðir við aðra landshluta, en afar takmarkað er fjallað um þá hér. Litið er á forsögu og tildrög samningsins, innihald hans greint sem og það árangursmat sem framkvæmt hefur verið í tvígang. Hér er um þátttökurannsókn að ræða (e. action research) þar sem höfundur skoðar eigið starfsumhverfi. Auk fyrrnefndrar greiningar á samningnum og árangursmati er í grunninn byggt á djúpviðtölum sem tekin voru við Karitas H. Gunnarsdóttur hjá mennta- og menningarmálaráðuneytinu (MMR) og Signýju Ormarsdóttur, menningarfulltrúa Austurlands. Einnig byggi ég á eigin reynslu af rekstri atvinnuleikhúss á Austurlandi sem og öðrum störfum tengd leikhúsi og kvikmyndagerð. Ennfremur er leitað fanga í innlendum og erlendum rannsóknum sem tengjast efninu og þannig reyntað rekja þær forsendur sem búa að baki. Rannsóknin sýnir að mjög skiptar skoðanir eru um hvort og þá hvernig hægt sé að meta virði menningarstarfs. Á t.d. að líta fyrst og fremst á hið listræna innra virði, horfa til áhrifa sem menningarstarf hefur á nærsamfélagið eða til hagrænna þátta eins og gert er varðandi rannsóknir á hagrænum áhrifum skapandi atvinnugreina? Hvað varðar menningarsamninginn og samstarf SSA og ríkisins þar að lútandi leiðir rannsóknin í ljós að aðferðafræðin kemur að miklu leyti úr ranni nýfrjálshyggju og breskri útfærslu á henni. Stjórnvöld virðast hafa tekið upp hugmyndir um nýja stjórnsýsluhætti (NPM, e. new public management) sem byggist að forminu til m.a. á árangurssamningum. Áherslan hefur því fyrst og femst verið á magn og afleidd áhrif menningarstarfs frekar en gæði. This MA thesis on Cultural Management is a critique of how economical and social value of culture is manifested in an agreement on cultural affairs between the municipalities of East Iceland and ...