Sjón er sögu ríkari : áhrif sjónvarps á börn

• Main Author: Matthildur Björg Gunnarsdóttir
• Other Authors: Háskólinn á Akureyri
• Format: Other/Unknown Material
• Language: Icelandic
• Published: 2004
• Subjects: Börn; Leikskólar; Sjónvarp; Sjónvarpsefni; Akureyri; Háskólans á Akureyri
• Online Access: http://hdl.handle.net/1946/971

Þetta lokaverkefni mitt til B.Ed.prófs við Kennaradeild, Háskólans á Akureyri hefur til umfjöllunar áhrif sjónvarps á börn, bæði neikvæð og jákvæð. Ritgerðin fjallar um upphaf sjónvarpsútsendinga í heiminum og sögu sjónvarps á Íslandi, ásamt því að gera skil þeim rannsóknaraðferðum sem helst eru notaðar við rannsóknir á áhrifum sjónvarps á börn, langtíma-og skammtíma rannsóknum. Neikvæð áhrif sjónvarpsáhorfs hafa mikið verið rannsökuð og þá helst áhrif ofbeldisefnis í sjónvarpi á börn. Þau áhrif sem mest hafa verið rannsökuð og þykja áhyggjuefni; árásargirni, ótti og ónæmi verður til umræðu í þessari ritgerð. Einnig verður fjalla um þau jákvæðu áhrif sem sjónvarpið óneitanlega hefur einnig. Ég framkvæmdi könnun á því barnaefni sem í boði var yfir páskana á þeim tveimur sjónvarpsstöðvum sem senda út barnaefni. Í þeirri könnun skráði ég niður hvern þátt sem var sýndur og innihald hans, skoðaði málfar og fjölda ofbeldisatriða ásamt því að meta hvaða aldurhópi ég taldi efnið hæfa með tilliti til framangreindra atriða. Einnig var kannað hvort stöðvarnar sinntu menningarhlutverki sínu á páskum og leitaði ég því eftir hvort sýnt væri efni sem innihéldi einhverskonar páskaboðskap. Ritgerðin tekur einnig fyrir áhrif fréttaflutnings á börn ásamt því að fjalla um árvekni foreldrar hvað það varðar. Ábyrgð foreldra varðandi sjónvarpsáhorf og sjónvarpsnotkun barna sinna er rædd ásamt því að skoða hvað það er sem foreldrar geta gert til þess að hafa áhrif á börnin sín í þeim efnum og ekki síst hvernig þeir geta haft áhrif á það hvað er sýnt í sjónvarpinu og á hvaða tímum.