Samstarf heimila og leikskóla : menntun og uppeldi veltur á ýmsu eins og flest annað þegar tveir eiga í hlut

• Main Author: Jóna Rósa Stefánsdóttir
• Other Authors: Háskólinn á Akureyri
• Format: Thesis
• Language: Icelandic
• Published: 2004
• Subjects: Leikskólar; Foreldrar; Foreldrastarf; Samstarf heimila og leikskóla; Akureyri; Háskólans á Akureyri
• Online Access: http://hdl.handle.net/1946/962

Verkefnið er lokað Eftirfarandi verkefni er unnið sem lokaverkefni til B.Ed. -prófs við kennaradeild Háskólans á Akureyri á vormisseri 2004. Tilgangurinn er að gera grein fyrir samstarfi heimila og leikskóla. Í upphafi var lagt upp með spurninguna Má telja að samstarf heimila og leikskóla einn af mikilvægustu þáttum í leikskólastarfinu? Til að komast að þessu fór fram tvennskonar rannsóknarvinna. Annars vegar aflaði höfundur sér heimilda til notkunar á fræðilegri umfjöllun um efnið og hinsvegar með spurningakönnun sem var gerð á meðal foreldra leikskólabarna í Garðabæ á viðhorfi þeirra til foreldrasamstarfs. Ritgerðin skiptist í þessa tvo hluta. Í fyrri hluta ritgerðarinnar er byrjað á því að fara yfir sögulegt yfirlit foreldrasamstarfs allt frá því á 19. öld og til dagsins í dag. Því næst er fjallað almennt um foreldrasamstarf, hlutverk foreldra og leikskólakennara í því og þann ávinning sem hlýst af samstarfinu. Fjallað um samskiptaþætti í foreldrasamstarfi, algengar hindranir í því og greint frá hlutverki og tilgangi foreldrafélaga í leikskólum. Í seinni hluta ritgerðarinnar er fjallað um leikskólamál í Garðabæ, samskiptaleiðir fyrir foreldra leikskólabarna í Garðabæ og skólastefnu Garðabæjar. Því næst er úrvinnsla og greining gagna úr könnuninni sem var lögð fyrir foreldrana í byrjun þessa árs. Könnunin var gerð á fjórum leikskólum bæjarins og fengu 121 foreldri könnunina og svöruðu 85 af þeim. Helstu niðurstöður könnunarinnar eru þær að flestir foreldrar eru ánægðir með foreldrasamstarfið og sjá og skilja mikilvægi þess. Einnig kom í ljós að foreldrar telja mikilvægt að það ríki gott upplýsingaflæði og jákvæð samskipti á milli þeirra og leikskólans.