Af vettvangsferð til Ittoqqortoormiit á Austur-Grænlandi

• Main Author: Hjördís Guðmundsdóttir
• Other Authors: Háskólinn á Akureyri
• Format: Bachelor Thesis
• Language: Icelandic
• Published: 2011
• Subjects: Samfélags- og hagþróunarfræði; Grænland; Félagslegar aðstæður; Vettvangsferðir; Nuuk; Varpa; Ittoqqortoormiit; Hundruð
• Online Access: http://hdl.handle.net/1946/9511

Af vettvangsferð til Ittoqqortoormiit á Austur-Grænlandi Ittoqqortoormiit er nyrsta byggð Austur-Grænlands sem stofnuð var árið 1925, sem liður í nýlendu- og byggðarstefnu Danmerkur. Þar búa nú tæplega fimm hundruð manns sem líkt og mörg önnur samfélög norðurslóða hafa upplifað gríðarlegar og örar félagslegar og menningarlegar breytingar á síðast liðnum áratugum. Á Grænlandi tók breytinganna sérstaklega að gæta í kjölfar „Danmerkurvæðingarinnar“ sem hófst um miðja síðustu öld. Í henni fólst m.a. innleiðing velferðarkerfis að danskri fyrirmynd, þéttbýlisvæðing og aukið vægi peningahagkerfis. Grænland fékk heimastjórn árið 1979 og sjálfstjórn árið 2009. Höfundur ritgerðar dvaldi í Ittoqqortoormiit frá 2.-16. desember 2010 við vettvangsrannsóknir. Markmið rannsóknarinnar var að leggja mat á stöðu samfélagsins og varpa ljósi á þau málefni sem bar á góma með því að rýna í fræðilega umræðu. Ritgerðin greinir frá vettvangsferðum m.a. á barinn, bæjarskrifstofuna, lögreglustöðina, ferðaskrifstofuna, í guðsþjónustu og á nokkur heimili í Ittoqqortoormiit. Sjónum er beint á birtingarmyndir samfélags- og menningarlegra breytinga sem gætir í málaflokkum vettvangsferðarinnar og þau útskýrð með tilvísun í heimildir. Má þar nefna breytingar á félagslegum og efnahagslegum aðstæðum veiðimanna og breyttri stöðu kynjanna. Jafnframt er stiklað á skoðunum og áliti aðila sem tengjast Ittoqqortoormiit með ólíkum hætti. Síðasti hluti ritgerðarinnar er helgaður helstu umræðuefnum bæjarbúa. Íbúar Ittoqqortoormiit drógu iðulega fram málefni tengd árferði, árstíðum og dýralífi í samtöl sín við höfund ritgerðar. Nálægðin við hafið og ísinn hefur markað menningu inúíta og enn spilar náttúran stórt hlutverk í lífi og leik íbúa Ittoqqortoormiit sem endurspeglast í umræðuefnum þeirra. Einnig gætir í umræðunni áhrifa utanaðkomandi þátta á borð við loftlagsbreytingar og ákvarðanir stjórnvalda í höfuðstaðnum Nuuk. Í umræðunni mátti jafnframt greina ójafnvægi á milli ímyndar staðarins út á við og sjálfsmyndar samfélagsins jafnt sem hagsmunaárekstra ...