Að skóladegi loknum

• Main Author: Bjarkey Sigurðardóttir
• Other Authors: Háskólinn á Akureyri
• Format: Thesis
• Language: Icelandic
• Published: 2004
• Subjects: Grunnskólar; Tómstundir; Félagsstörf; Akureyri; Háskólans á Akureyri
• Online Access: http://hdl.handle.net/1946/950

Verkefnið er opið nemendum og starfsfólki Háskólans á Akureyri Þekking okkar á getu barna á aldrinum 7–10 ára er þó nokkur. Rannsóknir sýna að að tækifæri til að nýta getu barnanna til fulls eru til staðar. Skipulagðar dagskrár utan skóla eru dæmi um slík tækifæri. Foreldrar standa frammi fyrir þeim vandamálum að eyða skapast oft á tíðum frá því að barn lýkur skólanum og fram að því að foreldrarnir koma heim úr vinnunni. Spurningin sé hins vegar hvort líta eigi á þessa eyðu sem fjársjóð eða tíma til að drepa. Rannsóknir benda til þess að þetta sé fjársjóður til að nýta, því þær sýna að þær dagskrár sem eru vel skipulagðar, með haldgóða markmiðssetningu og hugmyndafræði, menntað starfsfólk og jákvætt viðhorf þess virðast hafa jákvæð áhrif m.a. á námsárangur og félagslega hæfni þeirra barna sem sækja þær. Tíminn er fyrir hendi og ef tíminn er nýttur til að skapa öryggi fyrir börnin, með því t.d. að sækja félags- og tómstundastarf í umsjá fullorðinna aðila og til að ná fram jákvæðum áhrifum meðal barna er tekið eitt skref í áttina að því að skapa börnum hagstætt umhverfi og aðstæður. Mikilvægt er að boðið sé upp á fjölbreytt félags- og tómstundastarf því geta barnanna er misjöfn og áhugamál þeirra ólík. Hér á Íslandi er margt í boði af félags- og tómstundastarfi, en ljóst er að frekari rannsókna á félags- og tómstundastarfi hérlendis og áhrifum þess á börn á aldrinum 7–12 ára er þörf. Erfitt er að setja einn samnefnara á allt félags- og tómstundastarf hérlendis til að mögulegt sé að meta félags- og tómstundastarf til viðurkenningar, en til að byrja einhversstaðar er skólavistun grunnskólanna tilvalin til að markmiðssetja frekar og byggja upp heildarsýn. Þar er kjörið tækifæri til að sameina sýn skólanna til menntunar, sýn samfélagsins til að byggja upp starfsemi sem tryggir börnum öruggt athvarf, fjölbreytt viðfangsefni og aðstoð við námið.