Tvítyngi : mikilvægi móðurmáls

• Main Author: Guðbjörg Halldóra Ólafsdóttir
• Other Authors: Háskólinn á Akureyri
• Format: Thesis
• Language: Icelandic
• Published: 2004
• Subjects: Leikskólar; Tvítyngi; Fjölmenning; Akureyri; Drög; Mati; Háskólans á Akureyri
• Online Access: http://hdl.handle.net/1946/944

Verkefnið er opið nemendum og starfsfólki Háskólans á Akureyri Eftirfarandi verkefni er unnið sem lokaverkefni til B.Ed.-prófs við kennaradeild Háskólans á Akureyri, á vormisseri, 2004. Tilgangurinn var að kynnast kenningum og rannsóknum um stöðu og aðlögun nýrra íbúa að meirihlutamenningu samfélagsins. Í verkefninu er byrjað á að skilgreina helstu hugtök sem tengjast tvítyngi. Því næst er fjallað um fjölmenninguna, þar sem komið er inn á hina ýmsu þætti, s.s. kennslu tvítyngdra barna, mikilvægi móðurmáls, félagslega þætti tvítyngis og lagalegar forsendur fyrir tvítyngiskennslu og stefnumótun í málum þessum er háttað á nokkrum stöðum á landinu. Í verkefni þessu er einnig fjallað um leiðir þær sem eru farnar og lögð drög að skólastarfi í fjölmenningarskóla. Seinni hluti verkefnisins er tekið á sjálfsmynd og tengsl hennar við móðurmál og menningu og sérstöðu þeirra sem tilheyra tveimur menningarheimum.Viðtöl voru tekin við foreldra tvítyngdra barna, og kannað sjónarmið foreldra á aðstæðum þeirra í einum leikskóla. Helstu niðurstöður verkefnisins eru þær að mikilvægt er að vita að málörvun barna getur auðveldlega þróast í gegnum tjáningu og leik, að virkja félagslega og fjölmenningarlega færni barna og þannig undirbúið þau undir áframhaldandi skólagöngu í framtíðinni. Það barn er fær að læra og þroska móðurmál sitt þannig að það nái fullum tökum á að lesa, skrifa og viðhalda þeirri þekkingu nær frekar að þroskast á eðlilegastan hátt. Komi kennsla á erlendu máli í veg fyrir að móðurmál barna fái að þróast, getur það leitt til þess að rætur móðurmálsins visni. Líkurnar verði því meiri á að börnin nái jafnvel ekki að lesa hvorugt málið með góðu móti og flosni því fyrr úr skóla en ella. Börnin hafi þá aðeins takmörkuð tök á tveimur tungumálum og hvorugt þeirra verði rótfast. Í viðtölum við foreldra kom fram að væntingar til leikskólans og grunnskólans voru að þeirra mati afar góðar og fannst það gott mál að börnin kynntust íslenskri menningu jafnframt sinni menningu, en tóku þó fram að það væri ekki leikskólans að ...