Grenndarkennsla - kennsluverkefni um örnefni í Vestmannaeyjum

• Main Author: Egill Jóhannsson 1988-
• Other Authors: Háskóli Íslands
• Format: Bachelor Thesis
• Language: Icelandic
• Published: 2011
• Subjects: Grunnskólakennarafræði; Vestmannaeyjar; Grenndarkennsla; Örnefni
• Online Access: http://hdl.handle.net/1946/9345

Þessi ritgerð er lokaverkefni til B.Ed.-prófs við Menntavísindasvið Háskóla Íslands. Viðfangsefni hennar er grenndarkennsluverkefni um örnefni í Vestmannaeyjum. Markmið verkefnisins var að kynna fyrir kennurum áhugaverða leið til þess að nota grenndarkennslu í vinnu sinni. Verkefnið er sniðið að nemendum á miðstigi en einnig má nota hugmyndir á öðrum stigum. Hugsunin á bak við verkefnið var að sýna fram á hvers vegna grenndarkennsla ætti heima í skólum. Annars vegar er áhersla lögð á hugtakið söguvitund sem merkir tilfinningu fyrir fortíðinni, nútímanum og framtíðinni. Hins vegar er lögð áhersla á grenndarvitund sem er þekking og skilningur á eigin umhverfi. Með þessi hugtök að leiðarljósi komst ég að því að grenndarkennsla er ekki einungis mikilvæg í námi heldur einnig í lífi barna. Grenndarkennsla ætti því erindi í skóla í öllum samfélögum hvort sem þau eru fjölmenn eða fámenn.