Notkun hjúkrunarfræðinga á líkamsmati

• Main Author: Hrafnhildur Ólöf Ólafsdóttir 1983-
• Other Authors: Háskóli Íslands
• Format: Thesis
• Language: Icelandic
• Published: 2011
• Subjects: Hjúkrunarfræði; Sjúkdómsgreiningar; Hjúkrunarfræðingar; Kvenna; Merki; Iceland
• Online Access: http://hdl.handle.net/1946/8718

Hjúkrunarfræðingar eru í kjöraðstöðu til að meta merki um versnun á einkennum sjúklinga. Með breyttum áherslum í heilbrigðisþjónustu hefur krafan um hæfni hjúkrunarfræðinga við að framkvæma líkamsmat aukist til muna. Megintilgangur rannsóknarinnar var að kanna notkun hjúkrunarfræðinga á líkamsmati í klínísku starfi á Landspítala (LSH). Rannsóknaraðferðin var megindleg og lýsandi þar sem notast var við rafrænan spurningalista og lýsandi tölfræði við úrvinnslu gagna. Úrtakið voru allir starfandi hjúkrunarfræðingar á skurðlækninga-, lyflækninga- og kvenna- og barnasviði LSH, alls 894. Svarhlutfall var 31% (n=278). Niðurstöður sýndu að fjórir þættir líkamsmats bera af hvað varðar algengi notkunar í klínísku starfi hjúkrunarfræðinga. Það eru almennt mat á litarhætti húðar, mat á gæði öndunar, mat á breytingu í húð og skoðun/þreifing útlima. Rannsóknin sýndi að ýmsir þættir líkamsmats sem hjúkrunarfræðingar vita hvernig á að framkvæma eru sjaldan eða aldrei framkvæmdir af þeim, svo sem mat á fínhreyfingum, mat á djúpsinaviðbragði, hlustun hálsslagæðar og skoðun lögunar/aflögunar á hrygg. Af niðurstöðum má álykta að hjúkrunarfræðingar framkvæmi ýmsa þætti líkamsmats reglulega en þó séu ákveðnir þættir sem þeir annað hvort kunni ekki að framkvæma eða hafi aldrei notað á þeirri deild sem þeir starfa. Lykilorð: Líkamsmat, hjúkrunarfræðingar, einkenni, þekking, kennsla. Nurses are in prime potition to notice first signs and symptoms of physical deteriotation. With new emphasis in the health care system the demand on nurses using physical examination in clinical practice has increased over the years. The main purpose of this study was to research the amount of physical examination used by nurses in clinical practice at The University Hospital of Iceland. The research method used was quantative and descriptive. Informations were gathered by online questionnaire which was sent by email to 894 nurses with answer rate of 31%. The research showed that there are four skills of physical examination that nurses uses most often; ...