Eins mig fýsir alltaf þó aftur að fara í göngur. Afréttamálefni í Hvammshreppi í Mýrdal á fyrri hluta 20. aldar

• Main Author: Svanhvít Hermannsdóttir 1955-
• Other Authors: Háskóli Íslands
• Format: Thesis
• Language: Icelandic
• Published: 2011
• Subjects: Sagnfræði; 20. öld; Smölun; Afréttarlönd; Hvammshreppur (Vestur-Skaftafellssýsla); Svæði; Hafursey; Vestur-Skaftafellssýsla; Svelti
• Online Access: http://hdl.handle.net/1946/8538

Ritgerðin fjallar um afréttamálefni í Hvammshreppi í Mýrdal með aðaláherslu á fyrstu fjóra áratugi tuttugustu aldar. Markmið ritgerðarinnar er að fá yfirsýn hvernig göngur og réttir fóru fram á því tímabili, samkvæmt þeim heimildum sem til eru. Gerð er grein fyrir staðháttum og samfélaginu í Hvammshreppi í byrjun aldarinnar og þeirri breytingu sem var að verða á búskaparháttum. Hagsmunir bændanna lágu í heimildum til upprekstrar í beitilöndin og útskýrð er aðkoma hreppsnefndar að þeim málum. Skoðaðar voru fjallskilareglugerðir og heimildir um vorsmölun og haustsmölun og þannig reynt að fá heilstæða mynd af því hvernig fjallskil gengu fyrir sig. Útbúnaður smala kemur til umræðu og það verkefni að taka kindur úr svelti. Í viðauka er lýsing á smölun í Hafursey og örnefnum sem tengjast seljum í Hvammshreppi. Auk ritaðra heimilda sem notaðar voru við ritgerðina, er hún byggð á endurminningum fólks sem tók þátt í smölun og réttarstörfum á þessu svæði. Verkið er opið öllum til aflestrar (óheimilt er að prenta það eða afrita).