„Mín léttustu spor eru grafin í þína sanda.“ Arfleifðin og Héðinshöfðahúsið

• Main Author: Halldór Jón Gíslason 1987-
• Other Authors: Háskóli Íslands
• Format: Thesis
• Language: Icelandic
• Published: 2011
• Subjects: Sagnfræði; Húsfriðun; Menningararfur; Héðinshöfði (á Tjörnesi; Suður-Þingeyjarsýsla); Mikla; Sanda; Þingeyjarsýsla; Suður-Þingeyjarsýsla; Héðinshöfði
• Online Access: http://hdl.handle.net/1946/8268

Arfleifðin á rætur sínar að rekja til hugmynda mannsins um nútímann, þegar hann fór að aðskilja samtíð sína frá atburðum sem voru liðnir. Í ritgerðinni er hugtakinu arfleifð gerð skil og skoðað hvernig það hefur verið notað í íslenskri umræðu og hvernig má nota það á marga mismunandi vegu í tengslum við íslenska sögu og menningu. Saga Héðinshöfðajarðarinnar og Héðinshöfðahússins sem byggt var af Benedikt Sveinssyni sýslumanni og alþingismanni árið 1884 er könnuð út frá arfleifðarhugtakinu og mat lagt á það hvaða merkingu hún getur haft sem hluti af menningararfleifð Þingeyjarsýslu. Ábúendasaga jarðarinnar er stuttlega rakin eftir því sem heimildir leyfa og því næst er rætt um verndun Héðinshöfðahússins og styrkveitingarferlið sem Jónas Bjarnason bóndi á Héðinshöfða fór út í árið 1993. Hugmyndir um verndun og varðveislu verða skoðaðar ásamt því að gildi gamalla bygginga verður velt upp fyrir samfélögin þar sem þau standa með sérstakri hliðsjón af Héðinshöfða á Tjörnesi. Að lokum verða tengsl Héðinshöfða við arfleifð feðganna Benedikt Sveinsson og Einars Benediktssonar skoðuð. Héðinshöfði á Tjörnesi þykir eiga mikla samleið með arfleifð Þingeyjarsýslu jafnvel þjóðarinnar sökum þess að Einar Benediktsson skáld dvaldist þar í nokkur ár og hlaut innblástur frá svæðinu. Þar hefur honum verið reistur minnisvarði sem tengir skáldið við sögu svæðisins en eru tengslin eins sterk og af er látið?