Staðfærsla og ímynd verslunarkjarna

• Main Author: Eyrún Eyleifsdóttir 1981-
• Other Authors: Háskóli Íslands
• Format: Bachelor Thesis
• Language: Icelandic
• Published: 2011
• Subjects: Viðskiptafræði; Verslunarmiðstöðvar; Markaðsmál; Innkaup; Kringlan; Reykjavík; Smáralind
• Online Access: http://hdl.handle.net/1946/8206

Í þessari ritgerð verður fjallað um rannsókn sem var gerð meðal nemenda við Háskóla Íslands vorið 2011. Rannsóknin gekk út á það að kanna ímynd fjögurra verslunarkjarna í Reykjavík. Verslunarkjarnarnir sem voru skoðaðir voru Kringlan, Smáralind, Miðborgin og Mjóddin. Í byrjun ritgerðarinnar verður skoðað hvað markaðfærsla gengur út á. Því næst verður farið yfir miðaða markaðsfærslu og að því loknu er aðferð vörukorta skýrð í máli og mynd, en það er aðferð sem hægt er að nýta til að skoða uppbyggingu markaðar fyrir ákveðnar vörur eða þjónustu. Síðasta skrefið er svo að skýra frá framkvæmd rannsóknar, gera grein fyrir úrtakinu og kynna helstu niðurstöður. Það helsta sem kom í ljós við vinnslu rannsóknarinnar var að verslunarkjarnarnir Kringlan og Smáralind eru stærstu aðilarnir á markaðnum þegar kemur að verslun á meðan Miðborgin er í dag talin meira kaffihúsa- og afþreyingarsvæði. Mjóddin virðist ekki vera með sterka samkeppnistöðu á þessum markaði og ætti frekar að flokkast sem hverfiskjarni sem býður upp á þá helstu grunnþjónustu sem ætti að vera í hverju hverfi.