Ímynd Íslands í Bandaríkjunum. Samanburður þjóðfélagshópa

• Main Author: Aðalsteinn Snorrason 1961-
• Other Authors: Háskóli Íslands
• Format: Thesis
• Language: Icelandic
• Published: 2011
• Subjects: Viðskiptafræði; Bandaríkjamenn; Markaðssetning; Ferðamannastaðir; Ímynd; Vinnu; Iceland
• Online Access: http://hdl.handle.net/1946/8204

Markmið þessa verkefnis var að skoða ímynd Íslands meðal íbúa á austurströnd Bandaríkjanna með það í huga að greina þá hópa sem hafa hvað mesta vitund fyrir ímynd landsins. Var þetta gert með því augnamiði að athuga hvort einangra mætti þessa hópa út frá skilgreindum breytum sem hægt væri að skoða, svo sem tekjum, menntun eða aldri. Með betri vitneskju um hvaða hópar það væru sem einhverja vitund hefðu fyrir landi og þjóð væri mögulegt að stýra enn frekar markaðsstarfi í Bandaríkjunum. Með tilkomu Iceland Naturally og faglegri vinnu sem við það verkefni var unnið hefur árangur náðst á þessum markaði. Rannsakandi lagði fram nýtt líkan til að meta ímyndir þjóða ímyndasól þjóða og byggir það á eldri líkönum sem finna má um viðfangsefnið. Rannsóknin byggði að hluta til á opnum ummælum sem aflað var árið 2007 fyrir Ferðamálastofu. Um var að ræða eigindleg ummæli sem kóðuð voru til megindlegrar úrvinnslu. Jafnframt var notuð eigindleg aðferðarfræði og viðtöl tekin við fimm aðila sem ýmist vinna á eða hafa unnið á Bandaríkjamarkaði. Rannsóknarspurningin laut að því hvað einkenndi ímynd Íslands meðal íbúa á austurströnd Bandaríkjanna. Jafnframt voru tilgátur um að meiri menntun, tekjur eða aldur hefðu í för með sér aukna vitund fyrir ímynd Íslands. Helstu niðurstöður rannsóknarinnar voru þær að þegar tekið var tillit til þess hve vitund fyrir ímynd Íslands væri mismunandi, tengist ímynd Íslands fyrst og fremst náttúru svipað og finna mátti hjá nágrannaþjóðum okkar. Þegar hins vegar ef horft var á öll ummæli eru það þættir tengdir snjó, kulda og ís sem eru mest afgerandi. Tilgátur um að menntun, tekjur og aldur tengdust því að fólk hefði aukna vitund fyrir Íslandi féllu í rannsókninni. The goal of this project was to explore Iceland’s image among residents of the United States’ East Coast, with a focus of analyzing the groups that are most aware of the country’s image. This was done in order to explore if these groups can be isolated with regards to specific variables that could be further analyzed, such as income, ...