Hagkvæmni tveggja vörpu togveiða

• Main Author: Baldur M. Einarsson
• Other Authors: Háskólinn á Akureyri
• Format: Thesis
• Language: Icelandic
• Published: 2007
• Subjects: Sjávarútvegsfræði; Veiðarfæri; Botnvörpur; Rekstrarhagfræði; Arctic; Borga
• Online Access: http://hdl.handle.net/1946/810

Verkefnið er lokað til 02.05.2010 Lykilorð: Greining, botnvarpa, veiðisvæði, arðsemi, mótstaða Á síðustu árum hefur olíuverð farið hækkandi sem eykur breytilegan kostnað útgerða skipa sem eru á orkufrekum veiðum. Togveiðar er ein orkufrekasta aðferðin við að veiða fisk, og hafa útgerðir leitað leiða til að lækka kostnað, eða fá meiri afla á hvert kíló af brenndri olíu. Ein þessara leiða hefur verið notuð á rækjuveiðum í mörg ár og það er að fjölga vörpum í sjó og toga með tveimur í einu og fá þá töluverða aukningu í afla á togtíma. Tilgangur þessa verkefnis er að greina þær upplýsingar sem fyrir liggja um skipið, Arctic Warrior og útgerðarmynstur þess, til að fá niðurstöður í afla á togtíma og meinta eyðslu. Uppbygging verkefnis er þannig, að farið er yfir fjármálafræði, skipaskilgreiningar, veiðisvæði eru skilgreind sem og veiðarfæri. Því næst eru greiningar á gögnum sem aflað hefur verið, bæði með eigin mælingum sem og gögnum frá útgerð, greind niður í smáatriði. Þegar búið er að greina tvö ár af upplýsingum niður í afla á togtíma þá er hægt að fara að leggja mat á væntanlega veiði og orkunotkun ef farið væri út í breytingar til að auka veiðigetu skipsins. Helstu niðurstöður eru þær, að álag skipsins við veiðar eins og staðan er í dag er sú að töluvert afgangs afl er eftir og því möguleiki á aukinni mótstöðu frá veiðarfærum. Miðað við þær forsendur sem gefnar voru í aukinni mótstöðu, vegna ákveðinna veiðarfæra, verður álag aðalvélar komið í hæstu mörk og ekki mikið afgangs afl eftir. Arðsemi af svona fjárfestingu er reiknuð með því að setja upp nokkra möguleika í auknum afla og aukinni olíunotkun á togtíma. Miðað við þá ávöxtunarkröfu sem útgerð gerir á eigin fé er verkefnið ekki að borga sig nema að afskriftir séu í lágmarki og tekin séu að lágmarki 10 ár í núvirði.