Áhrif efnahagskreppu á stöðu kvenna á Íslandi. Vinnumarkaður og heimilislíf

• Main Author: Ragna Dögg Þorsteinsdóttir 1987-
• Other Authors: Háskóli Íslands
• Format: Thesis
• Language: Icelandic
• Published: 2011
• Subjects: Félagsráðgjöf; Efnahagskreppur; Konur; Vinnumarkaður; Halda; Hjálp; Kvenna; sami
• Online Access: http://hdl.handle.net/1946/8090

Konur hafa frá upphafi vega þurft að berjast fyrir auknu jafnrétti kynjanna og hófst sú barátta á Íslandi fyrir alvöru með stofnun Kvenréttindafélags Íslands árið 1907. Konur náðu á 20. öldinni mikilvægum áföngum til jafnréttis við karlmenn bæði varðandi lagasetningar, barnauppeldi og verkaskiptingu inni á heimilum. Þegar líða tók á öldina fóru karlmenn að taka aukinn þátt í barnauppeldi og konur tóku meiri þátt í atvinnulífinu. Í þessari heimildaritgerð er fjallað um þróun á stöðu kvenna í sögulegu ljósi, fjallað verður um jafnréttislög, staðalímyndir kynjanna og kynjaskiptingu bæði á vinnumarkaði og innan heimilis. Fjallað verður sérstaklega um þær breytingar sem orðið hafa á aðstæðum kvenna eftir hrun þar sem vinnumarkaður er ekki sá sami og áður. Að lokum er staða kvenna skoðuð frá sjónarhorni félagsráðgjafa og rædd verða úrræði og aðferðir sem þeir geta beitt til að hjálpa konum á tímum sem þessum. Niðurstaðan er sú að mikilvægt er að styðja við konur í efnahagslægðinni sem nú gengur yfir. Þær þurfa að kljást við flókið samspil heimilisverka, barnauppeldis og launavinnu og þurfa margar á hjálp að halda. Félagsráðgjafi gegnir þess vegna mikilvægu hlutverki og hefur meðal annars heildarsýn og kenninguna um valdeflingu að leiðarljósi þegar kemur að því að styrkja og efla konur og að tryggja jafnrétti kynjanna.