Hugmynd nemur land. Lýðræðishugtakið og hugmyndir íslenskra stjórnmálamanna um lýðræði um og upp úr aldamótunum 1900

• Main Author: Hjörtur Hjartarson 1960-
• Other Authors: Háskóli Íslands
• Format: Bachelor Thesis
• Language: Icelandic
• Published: 2007
• Subjects: Sagnfræði; Stjórnmálasaga; Lýðræði; Hugmyndasaga; Kvenna; Reykjavík
• Online Access: http://hdl.handle.net/1946/6911

Í ritgerðinni er leitast við að greina og útskýra lýðræðishugmyndir íslenskra stjórnmálamanna eins og þær komu fyrir í umræðum á Alþingi um og upp úr aldamótunum 1900. Í því skyni eru skoðaðar umræður um kjörgengi kvenna til sveitarstjórna árið 1893 og umræður um kosningu borgarstjóra í Reykjavík, einkum á árabilinu 1907 til 1914. Við greininguna er stuðst við líkan stjórnmálafræðingsins David Helds um verndarlýðræði, þroskalýðræði og róttækt þroskalýðræði. Dregnir eru fram tilteknir grunnþættir sem notaðir eru til verksins, þ.e. fullveldi, þátttaka borgaranna í stjórmálum og fullgildir borgarar. Áður en hafist er handa við sjálfa greininguna er lýðræðishugtakið skoðað í sögulegu ljósi, sérstaklega með tilliti til áðurnefndra grunnþátta. Reynt er að skýra grunnþættina og gera þá trúverðuga sem verkfæri til að átta sig á lýðræðishugmyndum stjórnmálamannanna.