Leggjum börnum lið við læsi

• Main Authors: Guðný Ósk Gylfadóttir, Helga María Harðardóttir
• Other Authors: Háskólinn á Akureyri
• Format: Thesis
• Language: Icelandic
• Published: 2006
• Subjects: Leikskólar; Málörvun; Lestrarkennsla; Akureyri; Háskólans á Akureyri
• Online Access: http://hdl.handle.net/1946/590

Í þessu lokaverkefni til B.Ed.-gráðu við kennaradeild Háskólans á Akureyri er leitast að svara rannsóknarspurningunni: Hvernig þróast læsi hjá börnum á leikskólaaldri? Lestrarkunnátta er hverjum manni nauðsynleg. Kjarninn í læsisþróun er sá að börn læra best með því að prófa sig áfram og þau læra mest með því að nota tungumálið, ritmálið og táknmálið í látbragði og myndum og með viðeigandi örvun frá umhverfinu. Læsisþróunin á sér stað skref fyrir skref og er einstaklingsbundin svo þróun læsis verður að skoða hjá hverju barni fyrir sig og vinna út frá því. Við gerum grein fyrir þróun læsis hjá ungum börnum út frá kenningum um nám barna og málþroska. Einnig veltum við því fyrir okkur hvaða hlutverki kennarar og uppalendur og umhverfi barnanna gegna við læsisþróun. Við skoðum mismunandi aðferðir þriggja leikskóla við lestrarkennslu og hvaða árangri þær skila. Niðurstöður benda að með markvissri málörvun, lestrarhvetjandi umhverfi og bókstafainnlögn ná börnin góðum árangri í lestrarnámi á leikskólaaldri.