Verð farseðla, ímynd og þjónusta íslenskra millilandaflugfélaga : áhrif á kaupákvörðun íslenskra neytenda.

• Main Author: Marijana Krajacic
• Other Authors: Háskólinn á Akureyri
• Format: Thesis
• Language: Icelandic
• Published: 2010
• Subjects: Viðskiptafræði; Flugfélög; Ísland; Þjónusta; Fargjöld; Viðskiptavinir; Sanna; Iceland
• Online Access: http://hdl.handle.net/1946/5721

Verkefnið er lokað Í þessu verkefni eru borin saman verð, ímynd og þjónusta Íslenskra millilandaflugfélaga sem annast farþegaflutninga, og reynt að greina hvaða áhrif þessir þættir hafa á kaupákvarðanir Íslenskra neytenda. Markmið verkefnisins er að reyna að sanna eða afsanna eftirfarandi tilgátur: · Verð og þjónusta hefur veruleg áhrif á kaupákvörðun neytenda, en ímynd flugfélaga hefur ekki mikil áhrif. · Líklegt er að viðskiptavinir lággjaldaflugfélaga séu síður tryggir vörumerkinu, en viðskiptavinir hefðbundinna flugfélaga. Skoðaður er munurinn á þessum tveimur rekstrarformum og í framhaldi af því er greint stuttlega frá sögu og þjónustu hefðbundna flugfélagsins Icelandair og lággjaldaflugfélagsins Iceland Express. Farið er stuttlega yfir fræðilegt efni varðandi þjónustu, verð og ímynd. Fræðilega er fjallað um samkeppnislíkan Porters og atvinnugreinin skoðuð út frá því. Flugfélögin tvö eru borin saman með tilliti til verðs, ímyndar og þjónustu og í framhaldi af því er fjallað um SVÓT greiningar og greining gerð á flugfélögunum með tilliti til þeirra fræða. Að lokum eru viðskiptavinahópar flugfélaganna skoðaðir og reynt að greina hvers virði þjónustan er í þeirra augum og hvað það er sem skiptir þá mestu máli þegar flogið er erlendis. Helstu niðurstöður verkefnisins voru þær að við kaupákvarðanir neytenda skiptir verðið mestu máli og ímynd virðist hafa talsverð áhrif, en þjónustan hefur lítið vægi. Einnig kom í ljós að viðskiptavinir Icelandair sýna mun meiri tryggð gagnvart vörumerki fyrirtækisins en viðskiptavinir Iceland Express. Lykilorð þessa verkefnis eru millilandaflug, verð, ímynd, þjónusta og kaupákvörðun.