Af litlum neista verður oft mikið bál: Orðræðugreining á umfjöllun íslenskra fjölmiðla í kringum útlendingafrumvarpið sem lagt var fram árið 2022

• Main Author: Margrét B W Waage Reynisdóttir 2003-
• Other Authors: Háskóli Íslands
• Format: Bachelor Thesis
• Language: Icelandic
• Published: 2025
• Subjects: Stjórnmálafræði; Útlendingar; Orðræðugreining; Lagafrumvörp; Setur; Vanda; Iceland
• Online Access: https://hdl.handle.net/1946/48999

Útlendingamál eins og þau eru oft kölluð hafa verið mikið í umræðunni undanfarið, þá sérstaklega málefni flóttafólks og innflytjenda. Aukin ólga í alþjóðaheiminum hefur orðið til þess að mun fleiri hafa þurft að flýja heimili sín og leita skjóls annars staðar og þannig sett málaflokkinn ofar á lista. Það hafa verið miklar deilur um þessi mál og hvernig skuli taka á þeim. Í þessari rannsókn er sjónum beint að tímabilinu 1. október 2022 til 1. júní 2023 á Alþingi. Á því tímabili urðu umtalsverðar breytingar en þá var hið svokallaða „útlendingafrumvarp“ lagt fram og síðan samþykkt. Frumvarpið breytti svipmyndinni í þessum málaflokki og vægi hans með, en leitast verður við að greina þá orðræðu sem myndaðist í kringum frumvarpið og setja hana í samhengi við fræðin. Í fræðilegu umfjölluninni verður farið yfir hlutverk fjölmiðla, kenningar um dagskrárvald og innrömmun, ásamt umfjöllun um staðalímyndir. Þá er farið yfir þróun útlendingamála hérlendis, aukningu umsókna flóttafólks og vendingar í fjölmiðlaumfjöllun um það. Þetta á að skýra það landslag sem frumvarpið verður til í og setur það í samhengi við það sem hefur gerst í þessum efnum. Í framhaldi af því er framkvæmd orðræðugreining á umfjöllun um útlendingafrumvarpið á umræddu tímabili, 1. október 2022 til 1. júní 2023, og voru tvö þrástef greind út frá henni. Annars vegar að flóttafólk væri „vandi“ og hins vegar að það bæri að „leysa“ þennan vanda. Í umræðukafla eru stefin síðan hnýtt saman, greind og sett í samhengi við fræðin. Það sem einkenndi umfjöllunina var að umræðunni var stillt upp sem tveimur fylkingum sem kepptust við að skilgreina hver vandinn væri. Hvort hann væri flóttafólkið eða frumvarpið. Jafnframt er sýnt fram á að orðræðan hafi meðal annars styrkt staðalímyndir um flóttafólk, að viðhorfsbreytingar hafi orðið í þessum málum og vægi málaflokksins aukist í umræðunni. Immigration and refugee issues have been in discussion lately. The surge in international unrest has led to more people fleeing their homes to seek shelter elsewhere, placing ...