Elínborg snýr aftur - 10 ára afmælissýning!

• Main Author: Elínborg Una Einarsdóttir 2001-
• Other Authors: Listaháskóli Íslands
• Format: Bachelor Thesis
• Language: Icelandic
• Published: 2024
• Subjects: Sviðshöfundabraut; Sviðslistir; Leiksýningar; Leikrit; Reykjavík
• Online Access: http://hdl.handle.net/1946/48155

Árið 2014 varð ég 13 ára og byrjaði í kjölfarið í unglingadeild Ölduselskóla. Ég hafði fylgst með systur minni keppa í Skrekk - hæfileikakeppni grunnskóla í Reykjavík síðustu þrjú árin og ég var staðráðin í að prófa að taka þátt líka. Ég byrjaði að safna í hóp með það að markmiði að keppa í innanskólaundankeppninni með hópdansatriði um sorpumhirðu þar sem búningarnir væru ruslapokar. Þegar systir mín, þá busi í MH fékk veður af þessari hugmynd gaf hún sig á tal við mig, sagði, „Elínborg þetta er hrikalega asnaleg hugmynd, þú verður að gera eitthvað öðruvísi en þessa skrekksklisju, eitthvað annað en 35 manna hópdansatriði um einhvern málstað sem þú veist ekki einu sinni neitt um”. Eftir nokkra umhugsun bætti hún við „Þú ættir að vera ein á sviðinu.” Mig langaði alls ekki að vera ein á sviðinu en ég bar of mikla virðingu fyrir systur minni til að segja nei - og sem betur fer. Nú eru liðin 10 ár frá undankeppninni, örlagaríkasta kvöldi lífs míns og af því tilefni bíð ég í allsherjar afmælisveislu - sérstaka hátíðarsýningu á atriðinu mínu. Blóm eru vel þegin. Aðstandendur: Elínborg Una Einarsdóttir, höfundur og flytjandi Inga Steinunn Henningsdóttir, allsherjar hjálp við handritaskrif og listrænn ráðunautur Katla Yamagata, allsherjar hjálp við sviðsetningu og listrænn ráðunautur Marta Ákadóttir, danshöfundur og listrænn ráðunautur