Assessing humoral antibody response to a novel autogenous vaccine against Aeromonas salmonicida ssp. achromogenes in Arctic charr (Salvelinus alpinus)

• Main Author: Sigþóra Brynja Kristjánsdóttir 1990-
• Other Authors: Háskólinn á Akureyri
• Format: Master Thesis
• Language: English
• Published: 2024
• Subjects: Auðlindafræði; Meistaraprófsritgerðir; Bleikja; Bóluefni; Mótefni; Tíðni; Natural resource sciences; Arctic charr; Vaccine; Antibody response; Mortality rate; Arctic; Vikna; Salmo salar; Salvelinus alpinus
• Online Access: http://hdl.handle.net/1946/48080

Bakterían Aeromonas salmonicida undirt. achromogenes (Asa) veldur sjúkdómnum kýlaveikibróður í bleikju, Salvelinus alpinus L., og ýmsum öðrum fisktegundum. Kýlaveikibróður getur leitt til mikils fjárhagslegs tjóns hjá framleiðendum og sértæk bóluefni gegn Asa eru ekki fáanleg á almennum markaði. Bóluefnið sem er almennt notað gegn Asa í framleiðslu á bleikju á Íslandi er þróað fyrir Atlantshafslax (Salmo salar) gegn undirtegundinni salmonicida sem veldur hinni eiginlegu kýlaveiki. Það bóluefni hefur þó gefið ófullnægjandi virkni í bleikju og hafa áhrif þess farið minnkandi á liðnum árum. Til að bregðast við þessu var, í samvinnu við spænska bóluefnaframleiðandann HIPRA, þróað nýtt eingilt tilraunabóluefni gegn Asa í bleikju. Í þessu verkefni var ELISA aðferð notuð til að rannsaka mótefnasvörun bleikju gegn Asa í kjölfar bólusetningar með nýja tilrauna bóluefninu. Stór hópur bleikja var bólusettur með nýja tilraunabóluefninu og til samanburðar var jafn stór hópur fiska bólusettur með bóluefninu Alpha Ject® 3000 sem er almennt notað í bleikjueldi á Íslandi. Rannsóknin var framkvæmd í landeldi á framleiðsluskala þar sem fiskurinn var stöðugt útsettur fyrir náttúrulegum sýkingum af völdum Asa. Blóðsýnum var safnað úr fiskunum fyrir bólusetningu og eftir það með u.þ.b. tíu vikna millibili í hverri framleiðslueiningu yfir framleiðslutímann þar til fiskurinn náði sláturstærð. Einnig var rannsökuð fylgni á milli sértækrar mótefnasvörunar og vaxtar og dauða fiska í framleiðslueiningunum. Niðurstöður gefa til kynna að bæði bóluefnin leiði til mótefnasvörunar gegn Asa bakteríunni og mótefnatíter sem fengust fyrstu vikurnar eftir bólusetningu héldust út framleiðslutímabilið. Hins vegar mældist marktækt hærri mótefnatíter í hópum sem voru bólusettir með nýja tilraunabóluefninu og fiskdauði var marktækt lægri í samanburði við fiska sem bólusettir voru með Alpha Ject® 3000 bóluefninu. Þessar niðurstöður benda til þess að nýja bóluefnið lofi góðu við að mynda verndandi ónæmi gegn kýlaveikibróður af völdum Asa í bleikju. ...