Tækifæri í vinnslu á eldislaxi á Íslandi

• Main Author: Katrín Axelsdóttir 2002-
• Other Authors: Háskólinn á Akureyri
• Format: Bachelor Thesis
• Language: Icelandic
• Published: 2024
• Subjects: Sjávarútvegsfræði; Eldisfiskur; Sjókvíaeldi; Virðismat; Útflutningur; Fiskvinnsla; Draga; Iceland
• Online Access: http://hdl.handle.net/1946/47772

Áform eru uppi um að framleiðsla á eldislaxi á Íslandi aukist á komandi árum og bendir allt til þess að magnið margfaldist á næstu tíu árum. Framleitt magn á laxi hefur farið úr 3.000 tonnum í 45.000 tonn á sjö ára tímabili, þá aðallega í sjókvíum. Með áframhaldandi þróun og þeim markmiðum sem hafa verið sett fram hjá landeldisfyrirtækjum getur það skilað töluverðri aukningu í iðnaðinum á komandi árum. Tækifæri eru því til verðmætaaukningar með aukinni áframvinnslu á eldislaxi með því að fullvinna laxinn innanlands, en eins og staðan er í dag er að stærstum hluta um að ræða heilan, slægðan fisk til útflutnings. Þekkingu og reynslu sem byggst hefur upp í vinnslu á hvítfiski væri hægt að hagnýta við framleiðslu á eldislaxi og áframvinnslu á honum. Í þessu verkefni er rýnt í þróun á laxeldi á Íslandi og möguleg tækifæri í aukinni áframvinnslu. Í verkefninu var upplýsinga aflað með viðtölum þar sem rædd voru áform og markmið í iðnaðinum í kringum eldislax á Íslandi. Rýnt var í hvort aukin fullvinnsla á eldislaxi er hluti af áformum um aukningu á framleiðslumagni. Einnig var litið til markaða og útflutnings og því velt upp hvort fullvinnsla eigi erindi í þeim hluta iðnaðarins. Gerð var SVÓT-greining út frá niðurstöðum og hún nýtt til að draga ályktanir. Í niðurstöðum verkefnisins kemur í ljós að með því að áframvinna laxinn og með því að efla markaðssetningu á íslenskum eldislaxi væri hægt að skapa sérstöðu á mörkuðum. Leiða má líkum að því að þróunin gæti orðið svipuð og var á hvítfisknum þegar fiskvinnsla var að ryðja sér til rúms á Íslandi. Stefnt er að því að fullvinna lax og fullnýta hráefnið eins og hægt er, til að framleiða verðmæta hágæðaafurð. Plans are currently underway to increase the production of farmed salmon in Iceland in the upcoming years, and indications suggest that the volume may multiply over the next ten years. The amount of salmon produced has increased from 3,000 tons to 45,000 tons over a seven-year period, mainly in sea cages. With ongoing development and the goals set by land-based ...