„Það er mér mikill styrkur þegar ég hef félagsráðgjafann mér við hlið“: Reynsla kennara af störfum skólafélagsráðgjafa

• Main Author: Sara Karen Hlynsdóttir 1995-
• Other Authors: Háskóli Íslands
• Format: Master Thesis
• Language: Icelandic
• Published: 2023
• Subjects: Félagsráðgjöf; Félagsráðgjafar; Kennarar; Grunnskólar; Draga; Iceland
• Online Access: http://hdl.handle.net/1946/45966

Á Íslandi eru störf félagsráðgjafa innan skóla ekki lögbundin, en víða erlendis er það hins vegar svo, líkt og í Bandaríkjunum, Finnlandi og Svíþjóð. Rannsóknir sýna að álag á kennara hefur aukist undanfarin ár sem tengist auknum fjölbreytileika í nemendahópnum, fjölgun greininga barna og skorti á sérfræðiþekkingu á málefnum innflytjenda og flóttabarna. Í ljósi þess aukna álags sem kennarar standa frammi fyrir er mikilvægt að fjölga fagfólki, eins og félagsráðgjöfum, innan skóla til að mæta betur aukinnar fjölbreytni í nemendahópnum. Markmið þessarar rannsóknar var að kanna upplifun og reynslu kennara af því að hafa starfandi félagsráðgjafa innan grunnskóla með áherslu á að fá fram hversu mikilvægt kennarar telja að nemendum standi til boða félagsleg ráðgjöf innan skóla. Leitast var við að svara eftirfarandi rannsóknarspurningu: „Hver er upplifun og reynsla kennara af störfum skólafélagsráðgjafa innan grunnskóla?“ Niðurstöður rannsóknarinnar leiddu í ljós að kennarar telja mikilvægt að hafa skólafélagsráðgjafa starfandi innan skóla, það sé jákvæð viðbót í skólaumhverfið. Upplifun og reynsla kennara sýnir að félagsráðgjafar sinna margvíslegum verkefnum innan skóla og að þeir séu mikilvægir tengiliðir milli heimila og skóla. Auk þess upplifa kennarar skort á fagfólki í flóknum málum. Út frá niðurstöðum þessarar rannsóknar má draga þá ályktun að mikilvægt sé að fjölga fagfólki í grunnskóla í ljósi þess aukna álags sem skólaumhverfið í heild stendur frammi fyrir. Fram kom að upplifun kennara sé sú að fagleg þekking félagsráðgjafa nýtist þegar kemur að persónulegum málefnum nemenda. Mikilvægt er fyrir skólana að hafa burði til að grípa inn í og aðlaga sig að breyttum aðstæðum og til þess að það sé hægt þarf nauðsynlega að fjölga fagfólki innan skóla þar sem börnin eru. Þannig væri betur hægt að mæta nemendum þar sem þeir eru staddir. Lykilorð: Skólafélagsráðgjöf, kennarar, þverfaglegt samstarf, farsæld barna. In Iceland, the profession school social work is not considered a statutory profession. In many ...