Lesblinda : réttindi lesblindra í grunnskólum

• Main Author: Dagrún Þorsteinsdóttir
• Other Authors: Háskóli Íslands
• Format: Thesis
• Language: Icelandic
• Published: 2010
• Subjects: Grunnskólakennarafræði; Lesblinda; Grunnskólanemar; Grunnskólar; Reykjavík
• Online Access: http://hdl.handle.net/1946/4555

Öll börn eiga rétt á að ganga í almennan skóla, fötluð jafnt sem ófötluð. Í Salamanca- yfirlýsingunni frá árinu 1995 segir að „börn séu mismunandi og hafi sérstök áhugamál, hæfileika og námsþarfir.“ Börnum með lesblindu hefur fjölgað á undanförnum árum og er skýringin sú, meðal annars, að mun betri greiningartæki eru nú notuð en áður til þess að finna þessi börn. Lesblinda er samheiti yfir einkenni sem eiga það sameiginlegt að trufla einstaklinginn við lestur og stafsetningu. Í þessari ritgerð verður farið í gegnum núgildandi lög og reglugerðir sem lúta að nemendum með lesblindu í grunnskólum. Gerð var lítil könnun í þremur grunnskólum í Reykjavík til þess að komast að því hvort nemendur með lesblindu fái kennslu við hæfi og hvort skólar séu að fara eftir lögum og reglugerðum sem að þeim snúa.