| Summary: | Í mars 2020 var fyrst farið að grípa til aðgerða vegna útbreiðslu á COVID veiru á Íslandi. Ekki leið á löngu þar til takmarkanir höfðu áhrif á skólastarf. Nemendur og starfsfólk á öllum skólastigum þurfti að bregðast hratt við og reyna að aðlaga nám og kennslu að gildandi reglum. Skólastarf litaðist af takmörkunum og afléttingum eftir því hvernig útbreiðslan þróaðist allt fram á vorið 2022 þegar öllum takmörkunum var aflétt. Kennsla á tímum COVID einkenndist af sveigjanleika, lausnaleit og forgangsröðun. Þá þurftu margir kennarar að bregða út af vananum og fara nýjar leiðir í stærðfræðikennslu. Margir kennarar sem hófu starfsferil sinn 2019 eða seinna höfðu ekki kennt heilan vetur án takmarkana árið 2022. Í þessu verkefni eru sagðar sögur stærðfræðikennara sem hófu starfsferil sinn í launuðu starfsnámi á tímum heimsfaraldurs og sýn þeirra á kennaranám og -starf. Áhrif COVID heimsfaraldursins litar upphaf starfsferils þeirra. Jafnframt hafa margar breytingar átt sér stað á kennaranámi með það að markmiði að styðja betur við nýja kennara. Þátttakendur rannsóknarinnar nutu góðs af þeim aðgerðum. Rannsóknin er narratíf rannsókn með fjórum þátttakendum, sem allir kenna stærðfræði í grunnskóla og er rannsakandi einn þeirra. Til að setja sig í spor þátttakenda fór rannsakandi á vettvang, skoðaði skólaumhverfið, fylgdist með kennslustund og tók viðtal við alla þátttakendur, þar á meðal sjálfsviðtal út frá viðtalsramma. Gögnin voru greind í þrjú þemu: upplifun af kennaranámi, stærðfræðikennslu og reynslu af því að starfa á tímum COVID heimsfaraldurs. Saga hvers þátttakanda er einstök en samt mátti heyra ákveðinn samhljóm í þeim. Kennararnir eru ánægðir með þann undirbúning sem þeir fengu í háskólanum og þrátt fyrir ákveðinn COVID leiða þá ríkti hjá þeim mikill metnaður og eldmóður gagnvart kennarastarfinu og eftirvænting um bjartari tíma og meira frelsi. In March 2022, regulations were imposed to address the spread of the COVID virus in Iceland. These regulations impacted schoolwork all over the country. Consequently, ...
|
|---|