| Summary: | Breytingar eru örar og stór hluti af því umhverfi sem við lifum í nú til dags. Oft getur reynst erfitt að innleiða breytingar þar sem mannlegi þátturinn spilar stórt hlutverk og getur því afstaða starfsmanna haft mikið að segja um árangur breytinganna. Fræðimenn virðast vera sammála um að breytingar snúist um fólk og er því breytingastjórnun lykilhugtak þegar þarf að innleiða árangursríkar breytingar. Ef mannlegi þátturinn gleymist getur það leitt til andstöðu og mistaka í ferlinu. Áhugi okkar höfunda vaknaði þegar fyrirtækið Iceland Travel var selt frá Icelandair Group til Nordic Visitor. Okkur langaði að skoða hversu vel var staðið að þeim meiriháttar breytingum sem fylgja eigendaskiptum sem þessum og hvaða áhrif það hefur haft á starfsánægju og vinnustaðamenninguna. Mikið hefur verið rætt um starfsánægju og vinnustaðamenningu í tengslum við breytingar eins og eigendaskipti þar sem þáttur þeirra beggja vegur mikið. Við skoðum einnig niðurstöður fræðimanna um hvernig starfsmenn takast á við breytingar og komum þar inn á þætti eins og starfsánægju, vinnustaðamenningu, mikilvægi upplýsinga til starfsmanna og að fá að vera þátttakendur í ferlinu. Við gerð rannsóknarinnar var bæði notast við eigindlega og megindlega rannsóknaraðferð. Í eigindlegu rannsókninni voru tekin fimm viðtöl, eitt við fagaðila og fjögur við starfsmenn. Í megindlegu rannsókninni var lögð fyrir spurningarkönnun meðal starfsmanna Iceland Travel sem byggði á útkomu viðtalanna, þeim til frekari stuðnings. Helstu niðurstöður voru að fólk upplifir ýmsar tilfinningar í breytingum sem þessum eins og óvissu og missi. Þá kom einnig í ljós mikilvægi góðs upplýsingaflæðis og að starfsmenn vilja fá að vera þátttakendur í innleiðingu breytinganna. Vinnustaðamenningin breyttist þar sem ákveðin ímynd var í kringum gamla vinnustaðinn þar sem var mikið um hlunnindi sem skiptu starfsmenn miklu máli en nú eru þau að aðlagast nýjum hlunnindum, hefðum og siðum. Niðurstöður gefa til kynna að aðferðirnar sem voru notaðar samræmast að einhverju leiti kenningum og ...
|
|---|