Miðbær Seltjarnarness. Framtíðarsýn fyrir nýjan miðbæ á Seltjarnarnesi

• Main Author: Þórný Vaka Þorleifsdóttir 2000-
• Other Authors: Landbúnaðarháskóli Íslands
• Format: Bachelor Thesis
• Language: Icelandic
• Published: 2023
• Subjects: Landslagsarkitektúr; Seltjarnarnes; Kring; Vinnu; Svæði
• Online Access: http://hdl.handle.net/1946/44793

Vel hönnuð og aðlaðandi kjarnasvæði í þéttbýli er grunnurinn að fjölbreyttu mannlífi á þeim stöðum. Með aukinni fólksfjölgun og bílanotkun á höfuðborgarsvæðinu hefur þróunin verið í þá átt að auðvelda flæði bíla og fólks til og frá vinnu en síður í að útbúa svæði sem henta fólki til útiveru eða samveru almennt. Markmið þessa verkefnisins er að gera hönnunartillögu að nýjum miðbæ á Seltjarnarnesi með áherslu á aðlaðandi borgarrými fyrir fólk allt árið um kring. Miðbær Seltjarnarness einkennist af stórum umferðargötum og mannlíf gæti verið líflegra heldur en staðan er þar í dag. Áhersla á einkabílinn hefur verið mikil síðustu áratugi og þeirri þróun þarf að snúa við með því að skoða hvað það er sem einkennir aðlaðandi göturými og miðbæi, og laðar fólk að ákveðnum svæðum öðrum fremur. Rannsóknarspurningar eru eftirfarandi: Hvers konar umhverfi og upplifanir eru líklegastar til að ýta undir fjölbreytt mannlíf í miðbæ Seltjarnarness? Hver er sérstaða svæðissins sem hægt væri að nýta í þessum tilgangi? Í þessu verkefni verður m.a. fjallað um áhrif umhverfisins á lýðheilsu, hvernig hægt sé að nýta staðaranda í að styrkja bæjarrými, ferðavenjur Íslendinga og aukinn vöxt höfuðborgarsvæðisins. Kannað verður hvernig hægt sé að nýta sérstöðu Seltjarnarness og staðaranda bæjarins til að hanna aðlaðandi miðbæjarsvæði.