Fræðslu- og stuðningsþörf nýrra leikskólastjóra í Reykjavík : „Maður verður að vera svo spot on í svo mörgu“

• Main Author: Kristín Petrína Pétursdóttir 1980-
• Other Authors: Háskóli Íslands
• Format: Thesis
• Language: Icelandic
• Published: 2022
• Subjects: Meistaraprófsritgerðir; Stjórnun menntastofnana; Leikskólastjórar; Starfsfræðsla; Starfsreynsla; Eigindlegar rannsóknir; Reykjavík; Varpa; Enga; Maður
• Online Access: http://hdl.handle.net/1946/42943

Í þessari ritgerð er greint frá rannsókn þar sem markmiðið er að varpa ljósi á upplifun leikskólastjóra sem hafa tekið við starfinu á síðustu þremur árum og þörf þeirra fyrir fræðslu og stuðning. Tilgangurinn er að kortleggja áskoranir og þá fræðslu og stuðning sem þeir þurfa svo hægt sé að mæta þeim með fjölbreyttum úrræðum. Rannsóknarspurningarnar eru: Hverjar eru helstu áskoranir sem nýráðnir leikskólastjórar standa frammi fyrir? Hvaða fræðslu og stuðning fær leikskólastjóri á fyrstu árum í starfi? Hvaða fræðslu og stuðning þarf leikskólastjóri á fyrstu árum í starfi? Rannsóknir sýna að starf skólastjórnenda hefur breyst mikið á undanförnum áratugum og kröfurnar og þekkingin sem skólastjórnandi þarf hafa aukist verulega. Einnig hefur verið bent á að menntun og undirbúningur nýráðinna skólastjórnenda skipti höfuðmáli í hvernig þeim reiði af í starfinu. Rannsóknir benda til að skólastjórnendum sé oft hent út í djúpu laugina og læri að fóta sig í starfinu með því að prófa sig áfram og reka sig á. Rannsóknin er eigindleg og byggir á hálfopnum viðtölum við sex leikskólastjóra í Reykjavík og tvo mentora sem hafa leiðsagt leikskólastjórum. Jafnframt var haft samband við Skóla- og frístundasvið til þess að nálgast upplýsingar um fyrirkomulag á móttöku og fræðslu til nýráðinna leikskólastjóra. Niðurstöðurnar benda til þess að góð fræðsla í upphafi starfsins skipti miklu máli, sérstaklega fyrir reynslulitla leikskólastjóra. Leikskólastjórunum fannst flestum fræðslan ekki nægileg í upphafi og hefðu viljað fá meiri fræðslu og þá aðallega um stjórnsýsluna, ýmsa þætti starfsins og hvert þeir gætu leitað eftir upplýsingum og aðstoð. Fram kom að mentor sé mikilvægur fyrir nýja stjórnendur. Leikskólastjórarnir í rannsókninni sögðu allir að þeim þætti gott að hafa einhvern til að hringja í og þeir sem þekktu fáa eða enga í leikskólastjórahópnum fannst mikilvægt að hafa einhvern til að setjast hjá og geta rætt við á fyrsta leikskólastjórafundinum. Hlutverk mentorsins var fyrst og fremst að fræða nýráðnu leikskólastjórana og ...