Gagnadrifin framtíð snjallferðaþjónustu : vistkerfi og gagnadrifin markaðsmál

• Main Author: Elsa Margrét Knútsdóttir 1979-
• Other Authors: Háskólinn á Bifröst
• Format: Master Thesis
• Language: Icelandic
• Published: 2022
• Subjects: Meistaraprófsritgerðir; Markaðsfræði; Markaðshagkerfi; Snjalltæki; Ferðaþjónusta; Reykjavík; Borga
• Online Access: http://hdl.handle.net/1946/42565

Markmið ritgerðar er að skoða snjallferðaþjónustu (e. smart tourism) og kanna hvort grundvöllur sé fyrir því að snjallvæða ferðaþjónustu á Íslandi. Eins verður Reykjavík skoðuð og snjallkvarði hennar metinn. Til að komast að því eru viðtöl tekin við sérfræðinga sem koma að snjallvæðingu borga og ferðamannastaða og markaðssetningu ferðaþjónustu. Auk þess sem kannað verður hvernig markaðsmálum sé háttað hjá ferðaþjónustufyrirækjum með tilliti til stafrænna gagna og tækninýjunga og viðhorf fólks til snjalltækja og deilingu gagna verður skoðuð. Með aukinni snjallvæðingu er mögulegt að lyfta upplifun ferðamanna á hærra plan með auknum gagnagreftri sem geftur innsýn í þarfir viðskiptavina og stuðla þannig að auknu samkeppnisforskoti. Samkeppni í ferðaþjónustu er hörð og fyrirtæki með litla tæknilega getu og lítið fjárhagslegt bolmagn hafa því minni möguleika á tilleinka sér tækninýjungar og skilja þarfir markaðarins og því má ætlað að endurbygging þeirra taki lengri tíma. Áhersla á gagnadrifna markaðssetningu meðal ferðaþjónustufyrirtækja á Íslandi er almennt lítil. Fyrirtækin eru frekar sein að tileinka sér nýjustu tækni og lítið að rýna í gögn. Fæst fyrirtækin voru með gagnagrunnskerfi og mörg gáfu því lítinn gaum hvers konar umferð kom inn á heimasíðuna. Því stærri sem fyrirtækin voru því líklegra var að þau nýttu sér einhverja gagnagreiningu. Stórt hlutfall ferðaþjónustufyritækja var í minni kantinum og með takmarkaðan fjárhag til markaðsherferða, flestir notuðu þó samfélagsmiðla og Tripadvisor. Samanburðarrannsókn meðal Íslendinga sem ferðamanna og erlendra ferðamanna, leiddi einnig í ljós að Íslendingum var meira umhugað um gagnafrelsi sitt og því almennt ver við að deila gögnum um sig til að fá sérsniðnar auglýsingar eða einstaklingsmiðaða þjónustu. Þá voru Íslendingar almennt seinni til að tileinka sér tæknibreytingar.