Sögur barna : þróun starfshátta til eflingar hlustunarskilnings og tjáningarfærni leikskólabarna : starfendarannsókn

• Main Author: Hrefna Böðvarsdóttir 1966-
• Other Authors: Háskóli Íslands
• Format: Master Thesis
• Language: Icelandic
• Published: 2022
• Subjects: Meistaraprófsritgerðir; Menntunarfræði leikskóla; Leikskólabörn; Sögustundir; Hlustun; Framsögn; Starfendarannsóknir; Reykjavík; Pilcher
• Online Access: http://hdl.handle.net/1946/42416

Ritgerð þessi fjallar um starfendarannsókn sem gerð var á einni leikskóladeild í Reykjavík. Markmiðið var að þróa lærdómssamfélag starfsmanna í því skyni að efla leikskólastarf með sögum og fjölga þannig tækifærum tveggja og þriggja ára leikskólabarna til að efla hlustunarskilning sinn og tjáningarfærni. Hlustunarskilningur er undanfari lesskilnings og margir mál- og hugarþættir hafa áhrif á hann (Kim, 2016). Að segja börnum sögur getur aukið hlustunarskilning þeirra (Hrafnhildur Ragnarsdóttir, 2015) sem getur eflt sköpun í tjáningarfærni barna með nýjum hugmyndum (Kim og Pilcher, 2016) og þannig virkað sem kveikja að tjáningu og leik barna (Lindquist, 2001). Í rannsókn þessari var lögð áhersla á að segja börnunum sögur á fjölbreyttan hátt í gegnum gagnkvæm tjáskipti og leikrit með sögusviði og brúðum. Börnunum var síðan gefinn kostur á tíma og rými til tjáningar og leiks með fjölbreyttum efnivið sem tengdist sögunum. Gagna var aflað með dagbókarfærslum, fundargerðum frá deildarfundum, skráningum ásamt myndbandsupptökum og ljósmyndum til að fanga tjáningu og leik barnanna. Eftir því sem leið á rannsóknina varð starfsfólk í síauknum mæli einhuga um mikilvægi þess að gefa börnum ríkuleg tækifæri til að efla hlustunarskilning sinn og tjáningarfærni, auk þess sem sögur léku sífellt stærra hlutverk í leikskólastarfinu. Í tjáningu barnanna mátti greina góðan skilning á þeim sögum sem þeim voru sagðar auk þess sem sögurnar endurspegluðust í leik þeirra. Greina mátti í tjáningarfærni barnanna að þau höfðu beitt virkum hlustunarskilningi í sögustundunum. Rannsóknarspurning: Hvernig má þróa leikskólastarf með sögum þannig að börn fái aukin tækifæri til að efla hlustunarskilning sinn og tjáningarfærni? This essay describes an action research project performed in one classroom division in a preschool in Reykjavík. The aim of the research was to examine the practice and evaluate how the staff could promote the practice with stories to give two and three year old children more opportunities to facilitate their listening ...