Hraði og stökkkraftur hjá yngri landsliðum karla og kvenna í knattspyrnu á Íslandi

• Main Author: Hlynur Magnússon 1998-
• Other Authors: Háskólinn í Reykjavík
• Format: Thesis
• Language: Icelandic
• Published: 2022
• Subjects: Íþróttafræði; Knattspyrna; Ungt fólk; Landslið; Líkamsástand; Kvenna; Reykjavík; Háskólans í Reykjavík
• Online Access: http://hdl.handle.net/1946/41948

Framkvæmdar voru líkamlegar mælingar á íslenskum knattspyrnuiðkendum sem boðaðir voru í landsliðsúrtök af þjálförum yngri landsliða. Þessar mælingar eru samstarfsverkefni milli KSÍ og Háskólans í Reykjavík. Tilgangur þessarar rannsóknar var að skoða fylgni milli hraða og stökkkrafts hjá yngri landsliðum karla og kvenna í knattspyrnu á Íslandi og hvort marktækur munur væri á milli aldurshópa kynjanna í 30 metra hámarksspretti annars vegar og stökkkrafti hins vegar. Alls voru 851 leikmenn á aldrum 13-22 ára sem boðaðir voru á landsliðsæfingar og tóku þar með þátt í þessari rannsókn. Í þessu verkefni voru niðurstöður fyrir hraðasta sprett leikmanna skoðaðar úr 5x30m hraðaþolsprófi og lóðrétts jafnfætishopps með hendur á mjöðmum. Mælingarnar hafa staðið yfir frá árinu 2018 hjá yngri landsliðum kvenna og frá 2021 hjá yngri landsliðum karla. Há marktæk fylgni fannst milli 30 metra hámarksspretts og lóðrétts jafnfætishopps hjá öllum aldurshópum karla, fylgnin hjá u16 var (r= -0,518), 16- 17 var (r= -0,556) og fylgnin hjá 17+ var (r= -0,505). Há marktæk fylgni fannst einungis hjá u16 ára aldurshópnum þar sem fylgnin var (r= -0,510) og meðalhá fylgni fannst hjá hinum aldurshópunum, hjá 16-17 ára var fylgnin (r= -0,323) og hjá 17+ var fylgnin (r= -429). Marktækur munur fannst milli allra aldurshópa karla í stökkprófinu en aðeins fannst marktækur munur á milli elsta aldurshóp kvenna og yngri aldurshópa. Ekki fannst marktækur munur milli neinna aldurshópa í 30 metra hámarksspretti. Miðað við niðurstöður þessa verkefnis má álykta að leikmenn sem hlaupa hratt eru líklegir til þess að hoppa hátt og öfugt, sér í lagi karlkyns leikmenn. Út frá niðurstöðunum má einnig álykta að munur sé á stökkkrafti milli aldurshópa ungra afreksmanna á aldrinum 13-22 ára en að ekki sé munur milli aldurshópanna með tilliti til hraða. Fyrri rannsóknir hafa sýnt að líkamleg geta eykst með auknum þroska, en rannsóknir hafa einnig sýnt fram á ómarktækan mun milli aldurshópa eftir 15 ára aldur, bæði varðandi stökkkraft og spretthraða.