Sérsveit og vopnaburður : efling sérsveitar á landsvísu og á vopnaburði lögreglu

• Main Authors: Bjartur Ari Hansson 1995-, Fannar Örn Kolbeinsson 1992-
• Other Authors: Háskólinn á Akureyri
• Format: Thesis
• Language: Icelandic
• Published: 2022
• Subjects: Lögreglufræði; Lögreglan; Vopn; Þjóðaröryggi; Sérsveitir; Valdefling; Geira; Stakk; Iceland
• Online Access: http://hdl.handle.net/1946/41850

Markmið þessarar rannsóknar er að kanna þörf á eflingu sérsveitar á landsvísu ásamt vopnaburði lögreglunnar. Sérsveitin er deild innan lögreglunnar sem starfar innan öryggismálasviðs embættis ríkislögreglustjóra. Sérsveitin er lögreglulið sem er sérþjálfað í því að takast á við fjölbreytt verkefni á sviði löggæslu- og öryggismála. Sérsveitina eiga að skipa 56 lögreglumenn en sá fjöldi hefur aldrei náðst. Mestur fjöldi var árið 2016 en þá voru starfandi sérsveitarmenn 48 talsins. Á meðal Evrópuþjóða er Ísland það land sem hefur einna fæsta lögreglumenn á hverja 100.000 íbúa og því má segja að nokkur mannekla sé innan þess geira hér á landi. Við komum til með að fjalla um bakgrunn lögreglunnar á Íslandi. Forsaga lögreglunnar verður kynnt lítillega og hvernig sérsveit ríkislögreglustjóra komst á laggirnar. Þá munum við einnig fjalla um þau verkefni sem lögreglan var í stakk búin að takast á við og hvaða búnað hún hafði til umráða áður en sérsveitin varð til. Eins verður fjallað um hvers vegna menn voru sendir frá lögreglunni á Íslandi til Noregs árið 1982 til að æfa með sérþjálfuðum lögreglumönnum og hvernig þjálfun lögreglumanna hefur verið háttað allt til dagsins í dag. Enn fremur verður fjallað um þau valdbeitingartæki sem lögreglan notast við í dag sem og þau sem hugsanlega verða tekin í notkun í framtíðinni. Hér verður farið yfir ýmis atriði sem kunna að skipta máli er kemur að vopnaburði og til hvaða þátta þarf að líta. Rannsóknarspurningin sem við leitumst við að svara er eftirfarandi: Er þörf á eflingu sérsveitar á landsvísu og vopnaburði lögreglu? Til að svara þessari spurningu var rætt við starfandi lögreglumenn víðsvegar á landinu, sem og starfandi lögreglumenn innan sérsveitar ríkislögreglustjóra. Staðlaðar spurningar voru bornar upp til viðmælenda en að öðru leyti fengu þeir að tjá sig frjálst um málefnið. The goal of this research is to examine the need for strengthening The Special Unit of the National Police Commissioner, also known as the Viking Squad, nation-wide in Iceland, as well as the ...